പ്രാർത്ഥനക്ക് നന്ദി, ആരോഗ്യം തൃപ്തികരം; മങ്കേഷ്‌കറിനെ സന്ദർശിച്ച് ഭണ്ഡാര്‍ക്കര്‍
ലതാ മങ്കേഷ്‌കറിന്‍റെ ആരോഗ്യം തൃപ്തികരമെന്നും മരുന്നുകളോട് ശരീരം പ്രതികരിക്കുന്നുണ്ടെന്നും സംവിധായകന്‍ മധുര്‍ ഭണ്ഡാര്‍ക്കര്‍ പറഞ്ഞു
മങ്കേഷ്‌കറിനെ സന്ദർശിച്ച് ഭണ്ഡാര്‍ക്കര്‍
മുംബൈ: ബോളിവുഡ്‍ സംവിധായകന്‍ മധുര്‍ ഭണ്ഡാര്‍ക്കര്‍ ചികിത്സയിൽ തുടരുന്ന ഗായിക ലതാ മങ്കേഷ്‌കറിനെ സന്ദർശിച്ചു. മങ്കേഷ്‌കറിന്‍റെ ആരോഗ്യം തൃപ്തികരമാണെന്നും മരുന്നുകളോട് ശരീരം പ്രതികരിക്കുന്നുണ്ടെന്നും ഇന്നലെ മങ്കേഷ്‌കറിനെ സന്ദർശിച്ച ശേഷം ഭണ്ഡാര്‍ക്കര്‍ ഇൻസ്റ്റഗ്രാമിൽ കുറിച്ചു. ലതാ മങ്കേഷ്‌കറിന്‍റെ ആരോഗ്യത്തിന് വേണ്ടി പ്രാർത്ഥിച്ചവർക്ക് നന്ദിയും ദേശീയ അവാർഡ് ജേതാവായ സംവിധായകൻ പോസ്റ്റിൽ കൂട്ടിച്ചേർത്തു.