ഛപാക്കിന്‍റെ റിലീസിനെതിരെ ലക്ഷ്‌മി അഗർവാളിന്‍റെ അഭിഭാഷക അപേക്ഷ സമർപ്പിച്ചു

നാളെ പ്രദർശനത്തിനെത്തുന്ന ഛപാക്കിന്‍റെ റിലീസ് തടയണമെന്നാന്നാവശ്യപ്പെട്ട് ഡൽഹി പട്യാല ഹൗസ് കോടതിയിലാണ് സിനിമയുടെ നിർമാതാക്കൾക്കെതിരെ അപർണ ഭട്ട് പരാതി നൽകിയത്.

ന്യൂഡൽഹി: ദീപികാ പദുകോണിന്‍റെ പുതിയ ചിത്രം ഛപാക്കിന്‍റെ റിലീസ് നിർത്തിവക്കണമെന്ന് ആവശ്യപ്പെട്ട് ലക്ഷ്‌മി അഗർവാളിന്‍റെ അഭിഭാഷക അപർണ ഭട്ട്. ആസിഡ് ആക്രമണത്തിനെതിരായുള്ള ലക്ഷ്‌മി അഗർവാളിന്‍റെ പോരാട്ടത്തിൽ വർഷങ്ങളോളം താൻ ഒപ്പമുണ്ടായിരുന്നെന്നും എന്നാൽ സിനിമയിൽ തനിക്ക് ക്രഡിറ്റ് നൽകിയിട്ടില്ലെന്നുമാണ് അപർണ ഭട്ടിന്‍റെ പരാതി. വെള്ളിയാഴ്ച പ്രദർശനത്തിനെത്തുന്ന ഛപാക്കിന്‍റെ റിലീസ് തടയണമെന്നാന്നാവശ്യപ്പെട്ട് ഡൽഹി പട്യാല ഹൗസ് കോടതിയിലാണ് സിനിമയുടെ നിർമാതാക്കൾക്കെതിരെ അപർണ പരാതി നൽകിയത്.

ഛപാക്കിലെ നിർമാതാക്കൾ തനിക്ക് ഉചിതമായ അംഗീകാരം നൽകിയില്ലെന്ന് വ്യക്തമാക്കി നിർമാതാക്കൾക്കെതിരെ നിയമപരമായി പോരാടുമെന്ന് അപർണ ഭട്ട് നേരത്തെ തന്നെ സമൂഹമാധ്യമങ്ങളിലൂടെ അറിയിച്ചിരുന്നു. ഇവർക്ക് പിന്തുണയുമായി നിരവധി പേരാണ് പ്രതികരിച്ചത്.