കങ്കണക്ക് കൊവിഡ്; വൈറസിനെ തകർക്കുമെന്ന് താരം

കൊവിഡ് സ്ഥിരീകരിച്ചതിനെ തുടർന്ന് ക്വാറന്‍റൈനിൽ പ്രവേശിച്ചുവെന്ന് കങ്കണ ഇൻസ്റ്റഗ്രാമിലൂടെ അറിയിച്ചു.

ബോളിവുഡ് താരം കങ്കണ റണൗട്ടിന് കൊവിഡ് സ്ഥിരീകരിച്ചു. കൊവിഡ് പോസിറ്റീവായെന്നും ക്വാറന്‍റൈനിലാണെന്നും നടി ഇൻസ്റ്റഗ്രാമിലൂടെ അറിയിച്ചു. താൻ കൊവിഡിനെ തകർക്കുമെന്നും ഇപ്പോൾ പലരെയും മാനസികമായി സമ്മർദ്ദത്തിലാക്കിയ കൊവിഡ് 19 എന്നാൽ ചെറിയൊരു പനിയല്ലാതെ മറ്റൊന്നുമല്ലെന്നും കങ്കണ ഇൻസ്റ്റഗ്രാമിൽ പറഞ്ഞു.

"കഴിഞ്ഞ കുറച്ച് ദിവസങ്ങളായി ക്ഷീണവും എന്‍റെ കണ്ണുകൾ ചൂടാവുന്ന അവസ്ഥയുമുണ്ടായി. ഹിമാചലിലേക്ക് പോകാമെന്ന പ്രതീക്ഷയിലായിരുന്നു, അതിനായി ഇന്നലെ പരിശോധന നടത്തിയപ്പോൾ കൊവിഡ് പോസിറ്റീവെന്ന് ഫലം വന്നു.

More Read: പശ്ചിമ ബംഗാളിൽ കങ്കണക്കെതിരെ എഫ്ഐആർ

ഈ വൈറസ് എന്‍റെ ശരീരത്തിൽ കടന്നുകൂടിയെന്ന് എനിക്കറിയില്ലായിരുന്നു. ഞാൻ അതിനെ തകർക്കും. നിങ്ങൾ എന്തിനെയെങ്കിലും ഭയപ്പെടുന്നുവെങ്കിൽ ആരും ദയവായി അതിന് കീഴ്‌പ്പെടരുത്. അത് നിങ്ങളെ കൂടുതൽ ഭയപ്പെടുത്തും. വരൂ നമുക്ക് ഈ കൊവിഡിനെ നശിപ്പിക്കാം. ഇത് ഒരു ചെറിയ പനിയല്ലാതെ മറ്റൊന്നുമല്ല, ഇത് പലരെയും സമ്മർദ്ദത്തിലാക്കുന്നുവെന്നും മാനസികാസ്വസ്ഥരാക്കുന്നുവെന്നും ഇപ്പോൾ ഞാൻ മനസിലാക്കുന്നു. ഹര ഹര മഹാദേവ്," കങ്കണ കുറിച്ചു.