കങ്കണ റണാവത്തിന്‍റെ നിർമാണത്തിൽ ഒരുങ്ങുന്ന 'ടികു വെഡ്‌സ് ഷെരു' എന്ന ചിത്രത്തിൽ നവാസുദ്ദീൻ സിദ്ദിഖിയും. നടന്‍ ചിത്രത്തിന്‍റെ ഭാഗമാകുന്ന വിവരം കങ്കണ തന്‍റെ ഇൻസ്റ്റഗ്രാമിലൂടെയാണ് പുറത്തുവിട്ടത്. 'ടീമിലേക്ക് സ്വാഗതം സർ' എന്ന ക്യാപ്ഷനോടെയാണ് സിദ്ദിഖിയുടെ ചിത്രം പങ്കുവയ്ക്കുകയായിരുന്നു.
2021മെയില്‍ കങ്കണ തന്‍റെ നിർമാണ കമ്പനിയുടെ പേരും ലോഗോയും പുറത്തുവിട്ടിരുന്നു. മണികർണിക ഫിലിംസ് എന്നാണ് പേര്. ക്ഷേത്രത്തിന്‍റെ പശ്ചാത്തലത്തിൽ ഗർജിക്കുന്ന കടുവയും തീജ്വാലയുമാണ് ലോഗോയിൽ ഉള്ളത്.