Janhvi Kapoor cuts birthday cake in advance: നാളെയാണ് ബോളിവുഡ്‌ താരം ജാന്‍വി കപൂറിന്‍റെ 25ാം ജന്മദിനം. ഇത്തവണ നേരത്തെ തന്നെ ജാന്‍വിയുടെ പിറന്നാള്‍ ആഘോഷമാക്കിയിരിക്കുകയാണ് ആരാധകര്‍. ജന്മദിനത്തിന് മുന്നോടിയായി മുംബൈയിലെത്തിയ ജാന്‍വി കപൂറിനെ കാത്തിരുന്നത്‌ സര്‍പ്രൈസ്‌ ആയിരുന്നു. താരത്തിന് പിറന്നാള്‍ കേക്ക്‌ നല്‍കി അദ്‌ഭുതപ്പെടുത്തിയിരിക്കുകയാണ് ആരാധകര്‍.
HBD Janhvi Kapoor: വിമാനത്താവളത്തിന് പുറത്ത് നടി ആരാധകനൊപ്പം കേക്ക്‌ മുറിക്കുന്ന വീഡിയോ സോഷ്യല്‍ മീഡിയയില്‍ പ്രചരിക്കുന്നുണ്ട്. കേക്ക്‌ മുറിച്ച ശേഷം ഫോട്ടോഗ്രാഫര്‍മാര്‍ക്കും കേക്ക്‌ നല്‍കിയ താരം നിറപുഞ്ചിരിയോടെ ഫോട്ടോയ്‌ക്ക് പോസ്‌ ചെയ്‌തു. ജാന്‍വിയുടെ ഈ പ്രവര്‍ത്തിയെ 'വിനയം' എന്നാണ് ആരാധകര്‍ വിളിച്ചത്‌. മഞ്ഞ നിറമുള്ള വേഷമായിരുന്നു ജാന്‍വി ധരിച്ചിരുന്നത്‌.
Janhvi Kapoor birthday video: നിരവധി പേരുടെ ഹൃദയം കവര്‍ന്നിരിക്കുകയാണ്‌ ജാന്‍വിയുടെ ഈ വീഡിയോ. നടി അത് ഇന്‍സ്‌റ്റഗ്രാം പേജില്‍ പങ്കുവച്ചിട്ടുണ്ട്. നിരവധി പേര്‍ ജാന്‍വിക്ക്‌ ആശംസകളുമായി രംഗത്തെത്തി. അവള്‍ വളരെ വിനയാലുവും സ്നേഹശീലയുമാണെന്ന്‌ ഒരാള്‍ കുറിച്ചു. വളരെ മധുരമായാണ് അവള്‍ സംസാരിക്കുന്നതെന്നാണ് മറ്റൊരു കമന്‍റ്.