തെലങ്കാന: ഹൃത്വിക്‌ റോഷനും സബ ആസാദും വീണ്ടും ഗോസിപ്പു കോളങ്ങളില്‍ നിറഞ്ഞു നില്‍ക്കുകയാണ്. വീണ്ടും ഹൃത്വിക്കിന്‍റെയും സബയുടെയും ചിത്രങ്ങള്‍ പാപ്പരാസികളുടെ ക്യാമറ കണ്ണുകളിലുടക്കി. ക്യാമറ കണ്ണുകള്‍ തങ്ങളുടെ നേര്‍ക്ക്‌ തിരിഞ്ഞപ്പോള്‍ സബ മുഖം മറയ്‌ക്കാന്‍ ശ്രമിച്ചെങ്കിലും പാപ്പരാസികള്‍ ചിത്രം പകര്‍ത്തി.
Hrithik Roshan Saba Azad dinner date: ഇത്തവണയും സബയുടെ കൈ പിടിച്ച്‌ നടക്കുന്ന ഹൃത്വിക്‌ റോഷന്‍റെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലായിരിക്കുകയാണ്‌. പാപ്പരാസികളുടെ കണ്ണിലുടക്കിയ ഹൃത്വിക്‌ ഹോട്ടലില്‍ നിന്നും ഇറങ്ങുമ്പോള്‍ സബയെ കൈ പിടിച്ച്‌ കാറില്‍ കയറ്റുന്നത്‌ കാണാം.
Hrithik Roshan girlfriend: ഇത് രണ്ടാം തവണയാണ് ഇരുവരെയും ഒന്നിച്ച്‌ നഗരത്തിലെ ഒരു റെസ്‌റ്റോറന്‍റില്‍ വച്ച്‌ കാണുന്നത്‌. ഒരാഴ്‌ച്ചക്കിടെയുള്ള രണ്ടാമത്തെ ഡേറ്റിങ്ങാണിത്‌. നേരത്തെ മുംബൈയിലെ ഒരു റെസ്‌റ്റോറന്‍റില്‍ നിന്നും അത്താഴം കഴിഞ്ഞിറങ്ങുമ്പോഴാണ് ഇരുവരും ക്യാമറക്കണ്ണിലുടക്കിയത്‌. അന്ന്‌ സബ മാസ്‌ക്‌ ധരിച്ചിരുന്നതിനാല്‍ മുഖം വ്യക്തമായിരുന്നില്ല.
Hrithik Roshan Saba Azad videos: ആദ്യ തവണ ഹൃത്വിക്കിനൊപ്പം ഒരു അജ്ഞാത പെണ്‍കുട്ടിയെ കണ്ടപ്പോള്‍ അധികമാര്‍ക്കും അറിയില്ലായിരുന്നു, താരത്തിനൊപ്പമുണ്ടായിരുന്ന പെണ്‍കുട്ടി സബ ആയിരുന്നു എന്നത്‌. ശേഷം താരത്തിനൊപ്പമുണ്ടായിരുന്ന അജ്ഞാത സുന്ദരിയെ കണ്ടെത്തുകയായിരുന്നു സോഷ്യല്‍ മീഡിയ. ഇതേതുര്‍ന്ന്‌ സബയും രംഗത്തെത്തിയിരുന്നു. ഹൃത്വിക്‌ റോഷനുമായുള്ള ഡേറ്റിങ്‌ സബയും നിരസിച്ചില്ല. ഒരു ദേശീയ മാധ്യമത്തിലാണ് താരം ഇക്കാര്യം വെളിപ്പെടുത്തിയത്‌.