Jab Saiyaan released: 'ധോലീട'യ്‌ക്ക്‌ പിന്നാലെ 'ഗംഗുഭായ് കത്യവാടി'യിലെ അടുത്ത ഗാനവും പുറത്ത്. ചിത്രത്തിലെ 'ജബ്‌ സൈയാന്‍' എന്ന്‌ തുടങ്ങുന്ന ഗാനമാണ് പുറത്തിറങ്ങിയത്‌. ആലിയ തന്‍റെ ഇന്‍സ്‌റ്റഗ്രാം പേജിലൂടെ 'ജബ്‌ സൈയാന്‍' പങ്കുവച്ചിട്ടുണ്ട്‌.
Gangubai Kathiawadi second song: ശാന്തനു മഹേശ്വരിയുടെ കഥാപാത്രം 'ഗംഗുഭായി കത്യവാടി'യുമായി പ്രണയത്തിലാകുന്നതാണ് ഗാനരംഗത്തില്‍. ശാന്തനുവിന്‍റെയും ആലിയയുടെയും ചീട്ടുകളിയിലൂടെയാണ് ഗാനം ആരംഭിക്കുന്നത്. ശാന്തനുവിന്‍റെ ഹൃദയത്തിലെ രാജ്ഞിയായി ആലിയ മാറുന്നതോടെ ഗാനം അവസാനിക്കുകയാണ്.
എ.എം തുറാസിന്‍റെ വരികള്‍ക്ക്‌ സഞ്ജയ് ലീല ബന്‍സാലിയുടെ സംഗീതത്തില്‍ ശ്രേയ ഘോഷാല്‍ ആണ് ആലാപനം. ഈ ഗാനത്തിലൂടെ സഞ്ജയ് ലീല ബന്‍സാലിയും ശ്രേയയും വീണ്ടും ഒന്നിച്ചിരിക്കുകയാണ്.
Alia Bhatt Sanjay Leela Bansali combo : ആലിയ ഇതാദ്യമായാണ് സഞ്ജയ് ലീല ബന്‍സാലി ചിത്രത്തില്‍ വേഷമിടുന്നത്‌. ആര്‍ആര്‍ആര്‍ ആണ് ആലിയയുടെ മറ്റൊരു ബിഗ്‌ റിലീസ്‌ ചിത്രം. രണ്‍ബീര്‍ കപൂറിനൊപ്പമുള്ള 'ബ്രഹ്‌മാസ്‌ത്ര'യും റിലീസ്‌ കാത്തിരിക്കുന്ന ആലിയയുടെ മറ്റൊരു ചിത്രമാണ്.
Gangubai Kathiawadi sneak peek: കഴിഞ്ഞ ദിവസം 'ഗംഗുഭായ് കത്യവാടി'യുടെ ഒരു സ്‌നീക്ക്‌ പീക്ക്‌ വീഡിയോ ആലിയ തന്‍റെ ഇന്‍സ്‌റ്റഗ്രാമില്‍ പങ്കുവച്ചിരുന്നു. രണ്ട്‌ വര്‍ഷം രഹസ്യമായി കേള്‍ക്കുകയും മൂളുകയും സ്‌നേഹിക്കുകയും ചെയ്‌ത 'ഗംഗുഭായ് കത്യവാടി'യിലെ 'ജബ്‌ സൈയാന്‍' ഗാനം ഇന്ന്‌ പുറത്തിറങ്ങുമെന്നാണ് സ്‌നീക്ക്‌ പീക്ക്‌ വീഡിയോ പങ്കുവച്ച്‌ കൊണ്ട്‌ ആലിയ കുറിച്ചത്‌.