മാസ്‌ക് ധരിക്കാതെ ഭാര്യയുമായി ബൈക്ക് ഓടിച്ച് വിവേക് ഒബ്‌റോയി, കേസെടുത്ത് മുംബൈ പൊലീസ്

മാസ്​കും ഹെല്‍മറ്റും ധരിക്കാതെ ബൈക്കില്‍ സഞ്ചരിച്ചതിനാണ്​ ശിക്ഷ. കൂടാതെ മാസ്​ക്​ ധരിക്കാത്തതിന് വിവേക്​ ഒബ്​റോയിക്കെതിരെ മുംബൈ പൊലീസ്​ കേസെടുക്കുകയും ചെയ്​തിട്ടുണ്ട്​.

മുംബൈ:ട്രാഫിക് നിയമങ്ങള്‍ ലംഘിച്ചതിന്​ ബോളിവുഡ്​ നടന്‍ വിവേക്​ ഒബ്​റോയിക്ക് 500 രൂപ പിഴയിട്ട്​ മുംബൈ ട്രാഫിക്​ പൊലീസ്. മാസ്​കും ഹെല്‍മറ്റും ധരിക്കാതെ ബൈക്കില്‍ സഞ്ചരിച്ചതിനാണ്​ ശിക്ഷ. കൂടാതെ മാസ്​ക്​ ധരിക്കാത്തതിന് വിവേക്​ ഒബ്​റോയിക്കെതിരെ മുംബൈ പൊലീസ്​ കേസെടുക്കുകയും ചെയ്​തിട്ടുണ്ട്​.​ജുഹു പൊലീസ് സ്റ്റേഷനിലാണ് താരത്തിന് എതിരെ കേസ് രജിസ്റ്റര്‍ ചെയ്‌തിരിക്കുന്നത്.

വാലന്‍റൈന്‍ ദിനത്തില്‍ ഭാര്യക്കൊപ്പം ബൈക്കില്‍ സഞ്ചരിക്കു​മ്പോഴാണ്​ ഒബ്​റോയി പൊലീസിന്‍റെ പിടിയിലായത്​. ഹെല്‍മറ്റ്​ ധരിക്കാത്തതിന്​ പിഴ ശിക്ഷയും മാസ്​ക്​ ഇല്ലാത്തതിന്​ ഐപിസി സെക്ഷന്‍ 188, 269 പ്രകാരം ഒബ്​റോയിക്കെതിരെ കേസെടുക്കുകയും ചെയ്​തിട്ടുണ്ടെന്ന്​ മുംബൈ പൊലീസ്​ പറഞ്ഞു.

ബൈക്ക് യാത്രയുടെ വീഡിയോ വിവേക് സോഷ്യല്‍മീഡിയയില്‍ പങ്കുവെച്ചിരുന്നു. മഹാരാഷ്ട്രയില്‍ കൊവിഡ് ബാധിതരുടെ എണ്ണം വർധിക്കുന്നതിനാല്‍ മാസ്‌ക് ധരിക്കുന്നത് നിര്‍ബന്ധമാക്കിയിട്ടുണ്ട്.