മീരാബായ്: രജതത്തിളക്കത്തിന് അഭിനന്ദനവുമായി സിനിമ പ്രമുഖർ

കുഞ്ചാക്കോ ബോബൻ, അജു വർഗീസ്, ടൊവിനോ തോമസ്, സുരഭി ലക്ഷ്‌മി, ഉണ്ണി മുകുന്ദൻ തുടങ്ങിയ മലയാളി താരങ്ങളും രൺദീപ് ഹൂഡ, അക്ഷയ് കുമാർ എന്നീ ബോളിവുഡ് താരങ്ങളും മീരാബായ് ചാനുവിനെ അഭിനന്ദിച്ചു.

2021 ഒളിമ്പിക്‌സിൽ ഭാരതം ആദ്യ മെഡൽ സ്വന്തമാക്കിയത് മീരാബായ് ചാനുവെന്ന പെൺകരുത്തിലാണ്. 49 കിലോ ഭാരാദ്വഹനത്തിൽ രജതതിളക്കത്തോടെ ഇന്ത്യയുടെ യശസ്സുയർത്തിയ മീരാബായിക്ക് അഭിനന്ദനമേകി സിനിമ താരങ്ങളുമെത്തി.

കുഞ്ചാക്കോ ബോബൻ, അജു വർഗീസ്, ടൊവിനോ തോമസ്, സുരഭി ലക്ഷ്‌മി, ഉണ്ണി മുകുന്ദൻ, അജയ് വാസുദേവ് തുടങ്ങിയ മലയാള സിനിമ പ്രവർത്തകരും റേഡിയോ അവതാരകനും സിനിമാതാരവുമായ ജോസഫ് അന്നകുട്ടി ജോസഫ് എന്നിവർ മീരാബായിയുടെ നേട്ടത്തിന് അഭിനന്ദനം അറിയിച്ചു.

More Read: ആദ്യ മെഡലുയര്‍ത്തി മീരാബായി ചാനു; ഇന്ത്യയ്ക്ക് വെള്ളി തിളക്കം

തെലുങ്ക് സൂപ്പർതാരം മഹേഷ് ബാബു ബോളിവുഡ് താരങ്ങളായ രൺദീപ് ഹൂഡ, അക്ഷയ് കുമാർ എന്നിവരും ഇന്ത്യയുടെ വെള്ളിത്തിളക്കത്തിൽ അഭിമാനം കൊള്ളുന്നതായി സമൂഹമാധ്യമങ്ങളിൽ ആശംസകുറിപ്പ് പങ്കുവച്ചു. മീരാബായിയുടെ ബയോപിക്കിൽ ഭാഗമാകുന്നതിൽ അഭിമാനമെന്ന് കുറിച്ചുകൊണ്ടാണ് അക്ഷയ് കുമാർ അഭിനന്ദനമറിയിച്ചത്.