ബോളിവുഡ് സുന്ദരി ദിയ മിർസയുടെ ജീവിതത്തിലേക്ക് കുഞ്ഞതിഥി എത്തി. താൻ ഒരു ആൺകുഞ്ഞിന് ജന്മം നൽകിയതായി താരം ഇൻസ്റ്റഗ്രാമിലൂടെ അറിയിച്ചു. മകന്‍റെ കുഞ്ഞുവിരലുകൾ പിടിച്ചുള്ള ചിത്രം പങ്കുവച്ചുകൊണ്ടാണ് നടി സന്തോഷവാർത്ത ആരാധകരുമായി പങ്കുവച്ചത്.
ദിയ മിർസക്കും വൈഭവിനും ആശംസകളേകി ബോളിവുഡ് താരങ്ങൾ
അവ്യയാൻ ആസാദ് രേഖി എന്നാണ് കുഞ്ഞിന് പേര് നൽകിയിരിക്കുന്നതെന്നും മാസം തികയാതെ ജനിച്ചതിനാൽ കുഞ്ഞ് ഇപ്പോൾ നിയോനേറ്റൽ ഐസിയുവിൽ ആണെന്നും ഇൻസ്റ്റഗ്രാം പോസ്റ്റിനൊപ്പം ദിയ കുറിച്ചു. താരത്തിന്‍റെ സന്തോഷത്തിൽ പങ്കുചേർന്നുകൊണ്ട് കരീന കപൂർ, കരീഷ്‌മ കപൂർ, റിച്ച ഛദ്ദ, അനുഷ്‌ക ശർമ, താപ്‌സി പന്നു, സാമന്ത അക്കിനേനി, കൊൻകൊണ സെൻ, ആദിത്യ ഷെട്ടി, ബിപാഷ ബസു എന്നിവർ ആശംസകൾ അറിയിക്കുകയും ചെയ്‌തു.