Anushka Sharma Virat Kohli wedding anniversary : ഇന്ത്യന്‍ ക്രിക്കറ്റ് ടീം നായകന്‍ വിരാട് കോലിയും ബോളിവുഡ് താരം അനുഷ്‌ക ശര്‍മയും ആരാധകരുടെ പ്രിയ താരങ്ങളാണ്. ബോളിവുഡില്‍ ഏറ്റവും കൂടുതല്‍ ആരാധകരുള്ള താരങ്ങള്‍ കൂടിയാണിവര്‍. 'വിരുഷ്‌ക' എന്നാണ് ആരാധകര്‍ ഇവരെ സ്‌നേഹപൂര്‍വം വിളിക്കുന്നത്.
ബോളിവുഡിലെ മാതൃക താര ദമ്പതികള്‍ കൂടിയാണിവര്‍. ഇന്നാണ് ഇവരുടെ നാലാം വിവാഹ വാര്‍ഷികം. വിവാഹ വാര്‍ഷിക ദിനത്തില്‍ താരങ്ങളുടെ വിവാഹ ചിത്രങ്ങളും വീഡിയോകളും പങ്കുവെച്ച് രംഗത്തെത്തിയിരിക്കുകയാണ് ആരാധകര്‍. നിരവധി ആരാധകരാണ് തങ്ങളുടെ പ്രിയ താരങ്ങള്‍ക്ക് വിവാഹാശംസകള്‍ നേര്‍ന്നിരിക്കുന്നത്.
ഇറ്റലി ടസ്‌കനിയിലെ ഫ്ലോളന്‍സില്‍ വച്ച് 2017 ഡിസംബര്‍ 11നായിരുന്നു ഇരുവരുടെയും വിവാഹം. വിവാഹം കഴിഞ്ഞ്‌ നാലാം വര്‍ഷത്തില്‍ എത്തി നില്‍ക്കുമ്പോള്‍ ഇവര്‍ക്കൊപ്പം ഒരാള്‍ കൂടിയുണ്ട്. മകള്‍ വാമിക. 2021 ജനുവരി 11നാണ് ഇരുവര്‍ക്കും മകള്‍ പിറന്നത്. കോലിയും അനുഷ്‌കയും സോഷ്യല്‍ മീഡിയയില്‍ സജീവമാണെങ്കിലും മകള്‍ വാമികയുടെ ചിത്രങ്ങള്‍ അധികം പങ്കുവെയ്‌ക്കാറില്ല. എന്നാല്‍ മുഖം കാണിക്കാതെയുള്ള ചിത്രങ്ങള്‍ ചിലപ്പോഴൊക്കെ കോലിയും അനുഷ്‌കയും പങ്കുവെയ്‌ക്കാറുണ്ട്.