'നിങ്ങള്‍ക്ക് സന്തോഷവും വിജയവും ഉണ്ടാവട്ടെ. ട്വിറ്റര്‍ അക്കൗണ്ട് ഇല്ലാതാക്കും മുമ്പുള്ള അവസാന ട്വീറ്റാണിത്. ഭയം കൂടാതെ എന്‍റെ മനസ്സിലുള്ളത് തുറന്നുപറയാന്‍ കഴിയാതിരിക്കുന്നതിലും ഭേദം, ഒന്നും പറയാതിരിക്കുകയാണ്. ഗുഡ് ബൈ' ഈ വാക്കുകള്‍ കുറിച്ച് സംവിധായകന്‍ അനുരാഗ് കശ്യപ് ട്വിറ്ററിനോട് വിടപറഞ്ഞു. ആള്‍ക്കൂട്ടക്കൊലക്കെതിരെ ചലച്ചിത്ര- സാംസ്കാരിക മേഖലയിലെ പ്രമുഖര്‍ നല്‍കിയ ഹര്‍ജിയില്‍ ഒപ്പിട്ടതോടെയാണ് അനുരാഗ് കശ്യപ് ഒരു വിഭാഗത്തിന്‍റെ നോട്ടപ്പുള്ളിയായത്.
ഭീഷണി സഹിക്കാൻ വയ്യ: അനുരാഗ് കശ്യപ് ട്വിറ്റര്‍ അക്കൗണ്ട് അവസാനിപ്പിച്ചു - In the last two tweets before filmmaker Anurag Kashyap deleted his Twitter account
ആള്‍ക്കൂട്ടക്കൊലക്കെതിരെ ചലച്ചിത്ര-സാംസ്കാരിക മേഖലയിലെ പ്രമുഖര്‍ നല്‍കിയ ഹര്‍ജിയില്‍ ഒപ്പിട്ടതോടെയാണ് അനുരാഗിന് ഭീഷണികള്‍ വന്നത്
ട്വിറ്റര്‍ ഉപയോഗം അവസാനിപ്പിച്ച് അനുരാഗ് കശ്യപ്
'മാതാപിതാക്കള്‍ക്ക് നിരന്തരം ഫോണ്‍കാളുകള്‍, മകള്‍ക്ക് സമൂഹ മാധ്യമങ്ങളിലൂടെ ഭീഷണി. നിങ്ങള്‍ക്കാണ് ഈ അനുഭവമെങ്കില്‍ ആരും ഒന്നും സംസാരിക്കാന്‍ ഇഷ്ടപ്പെടില്ല. അതിനുപിന്നിലെ കാരണങ്ങളോ യുക്തിയോ ചോദിച്ചിട്ട് കാര്യമില്ല. കൊള്ളക്കാര്‍ ഭരിക്കും, കവര്‍ച്ചയായിരിക്കും പുതിയ ജീവിതമാര്‍ഗം. ഈ പുതു ഇന്ത്യ നിങ്ങളെ അഭിവൃദ്ധിപ്പെടുത്തുമെന്ന് പ്രതീക്ഷിക്കാം. അഭിനന്ദനങ്ങള്‍.' അനുരാഗ് അവസാന ട്വീറ്റിലെ വാക്കുകളാണിത്.
മോദി സര്‍ക്കാറിന്‍റെ വിമര്‍ശകനായിരുന്നു ബോളിവുഡിലെ പ്രശസ്ത സംവിധായകനായ അനുരാഗ് കശ്യപ്. ആള്‍ക്കൂട്ടക്കൊലക്കെതിരെ പ്രതിഷേധിച്ചതിന് പുറമെ കഴിഞ്ഞ ആഴ്ച ജമ്മു- കശ്മീര്‍ വിഭജിക്കാന്‍ കേന്ദ്ര സര്‍ക്കാര്‍ തീരുമാനമെടുത്തപ്പോഴും വിമര്‍ശിച്ചിരുന്നു. കശ്യപിന്‍റെ മകളെ ബലാത്സംഗം ചെയ്യുമെന്ന ട്വിറ്റര്‍ സന്ദേശം കഴിഞ്ഞ മേയിലാണ് ലഭിച്ചത്. ചൗകീദാര്‍ രാംസംഘി എന്ന പേരില്‍ നിന്നായിരുന്നു ഭീഷണി. പരാതിയുടെ അടിസ്ഥാനത്തില്‍ മുംബൈ പൊലീസ് പ്രാഥമികാന്വേഷണ റിപ്പോര്‍ട്ട് തയ്യാറാക്കിയിരുന്നു.