ന്യൂഡൽഹി:മുൻ പ്രധാനമന്ത്രി ഡോ. മൻ‌മോഹൻ സിംഗ് എത്രയും പെട്ടെന്ന് സുഖം പ്രാപിച്ച്, ആരോഗ്യവാനായി തിരിച്ചുവരാൻ പ്രാർത്ഥിക്കുന്നുവെന്ന് ബോളിവുഡ് താരം അനുപം ഖേർ. "മുൻ പ്രധാനമന്ത്രി പൂർണമായി സുഖം പ്രാപിച്ച് തിരിച്ചുവരാനായി ഞാൻ ദൈവത്തോട് പ്രാർത്ഥിക്കുന്നു. ഡോ. മൻ‌മോഹൻ സിംഗിന് ഉടനെ തന്നെ ആരോഗ്യം വീണ്ടെടുക്കാൻ സാധിക്കട്ടെ," താരം ട്വിറ്ററിൽ കുറിച്ചു.
ഡോ. മൻ‌മോഹൻ സിംഗ് ആരോഗ്യവാനായി തിരിച്ചുവരാൻ പ്രാർത്ഥിക്കുന്നുവെന്ന് അനുപം ഖേർ
മുൻ പ്രധാനമന്ത്രി പൂർണമായി സുഖം പ്രാപിച്ച് തിരിച്ചുവരാനായി ഞാൻ ദൈവത്തോട് പ്രാർത്ഥിക്കുന്നു എന്നാണ് അനുപം ഖേർ ട്വിറ്ററിൽ കുറിച്ചത്.
അനുപം ഖേർ
കഴിഞ്ഞ ദിവസം രാത്രിയാണ് മുൻ പ്രധാനമന്ത്രിയെ നെഞ്ചുവേദനയെ തുടര്‍ന്ന് ആശുപത്രിയില്‍ പ്രവേശിപ്പിച്ചത്. ഡല്‍ഹി എംയിസിൽ അദ്ദേഹം ചികിത്സയിലാണ്. നിലവില്‍ മൻ‌മോഹൻ സിംഗ് കാർഡിയോ തോറാസിക് വാർഡിൽ നിരീക്ഷണത്തിലാണെന്നും ആരോഗ്യനില തൃപ്തികരമാണെന്നുമാണ് ലഭിക്കുന്ന വിവരം.