അമിതാഭ് ബച്ചന്‍, ഇമ്രാന്‍ ഹാഷ്മി മുഖ്യതാരങ്ങളാകുന്ന ചെഹ്‌രെയുടെ റിലീസ് മാറ്റിവച്ചു. അടുത്ത മാസം ഒമ്പതിന് റിലീസ് ചെയ്യുമെന്നായിരുന്നു അറിയിച്ചത്. എന്നാൽ, പ്രേക്ഷകർ പ്രതീക്ഷയോടെ കാത്തിരിക്കുന്ന ത്രില്ലർ ചിത്രം കൊവിഡ് വ്യാപനത്തിന്‍റെ പശ്ചാത്തലത്തിൽ നീട്ടിവച്ചു. പുതുക്കിയ തിയതി വ്യക്തമാക്കിയിട്ടില്ല.
കൊവിഡ്; ചെഹ്‌രെ ഏപ്രിലിൽ എത്തില്ല - amitabh bachchan chehre news update
അമിതാഭ് ബച്ചന്‍, ഇമ്രാന്‍ ഹാഷ്മി എന്നിവർ മുഖ്യതാരങ്ങളാകുന്ന ബോളിവുഡ് ചിത്രത്തിന്‍റെ റിലീസ് കൊവിഡ് വ്യാപനത്തെ തുടർന്നാണ് നീട്ടിവച്ചത്.
ചെഹ്‌രെ ഏപ്രിലിൽ എത്തില്ല
സിനിമയുടെ ട്രെയിലറിന് മികച്ച പ്രതികരണം നൽകിയതിൽ നന്ദി അറിയിക്കുന്നുവെന്ന് നിർമാതാക്കൾ അറിയിച്ചു. ചെഹ്‌രെ തിയേറ്ററിൽ തന്നെ ആസ്വദിക്കേണ്ട ചിത്രമാണെന്നും സാഹചര്യം വീണ്ടും അനുകൂലമാകുമ്പോൾ ചിത്രം പുറത്തിറക്കുമെന്നും നിർമാതാക്കൾ പുറത്തിറക്കിയ പ്രസ്താവനയിൽ വിശദമാക്കുന്നു.
ഇതാദ്യമായാണ് ബിഗ് ബിയും ഇമ്രാന്‍ ഹാഷ്മിയും ഒരു സിനിമക്കായി ഒന്നിക്കുന്നത്. റൂമി ജാഫ്രെ സംവിധാനം ചെയ്യുന്ന ചിത്രത്തിൽ റിയ ചക്രബർത്തി, ക്രിസ്റ്റല്‍ ഡിസൂസ, അന്നു കപൂര്‍, ധൃതിമാന്‍ ചാറ്റര്‍ജി എന്നിവരാണ് മറ്റ് പ്രധാന താരങ്ങൾ.