Pushpa to premiere on Amazon Prime Video : തെന്നിന്ത്യന്‍ താരം അല്ലു അര്‍ജുന്‍റെ സൂപ്പര്‍ ഹിറ്റ്‌ ബോക്‌സ്‌ ഓഫീസ്‌ ചിത്രം 'പുഷ്‌പ : ദ റൈസ്‌' ഇനി ഒടിടി പ്ലാറ്റ്‌ഫോമിലേയ്‌ക്ക്‌. ജനുവരി ഏഴിനാണ് ചിത്രം ആമസോണ്‍ പ്രൈമിലൂടെ ഒടിടി പ്ലാറ്റ്‌ഫോമിലെത്തുന്നത്. ആമസോണ്‍ പ്രൈം വീഡിയോയുടെ ഔദ്യോഗിക ട്വിറ്റര്‍ പേജിലൂടെയാണ് പുഷ്‌പയുടെ ഒടിടി റിലീസ് പ്രഖ്യാപനം.
Pushpa OTT release : 'അവന്‍ പോരാടും. അവന്‍ ഓടും. അവന്‍ കുതിക്കും. പക്ഷേ ഒരിക്കലും അവന്‍ കീഴടങ്ങില്ല. ജനുവരി ഏഴിന്‌ പ്രൈമിലൂടെ 'പുഷ്‌പ' കാണൂ. തെലുങ്ക്‌, തമിഴ്‌, മലയാളം, കന്നഡ എന്നീ ഭാഷകളില്‍..' -ഇപ്രകാരമായിരുന്നു ട്വീറ്റ്‌. സംവിധായകന്‍ എസ്‌ സുകുമാറും ഇക്കാര്യം അറിയിച്ചിട്ടുണ്ട്‌.
പ്രധാനമായും തെലുങ്കില്‍ ഒരുങ്ങിയ ചിത്രം മലയാളം, ഹിന്ദി, തമിഴ്‌, കന്നഡ എന്നീ ഭാഷകളിലായി ഡിസംബര്‍ 17നാണ് 'പുഷ്‌പ : ദ റൈസ്‌' തിയേറ്ററുകളിലെത്തിയത്. രശ്‌മിക മന്ദാനയാണ് ചിത്രത്തില്‍ അല്ലുവിന്‍റെ നായികയായെത്തിയത്‌. ഫഹദ്‌ ഫാസില്‍ അല്ലുവിന്‍റെ വില്ലനായും പ്രത്യക്ഷപ്പെട്ടിരുന്നു. ഫഹദിന്‍റെ തെലുങ്കിലേക്കുള്ള അരങ്ങേറ്റ ചിത്രം കൂടിയായിരുന്നു 'പുഷ്‌പ'.