'ആർആർആറി'നായി ഹൈദരാബാദിലേക്ക് പറന്ന് ആലിയ ഭട്ട്

ജൂനിയർ എൻടിആറും രാം ചരണും അജയ്‌ ദേവ്‌ഗണും മുഖ്യതാരങ്ങളാകുന്ന ചിത്രത്തിൽ ആലിയ ഭട്ടാണ് നായിക.

എസ്.എസ് രാജമൗലിയുടെ സംവിധാനത്തിൽ ബാഹുബലിക്ക് ശേഷം വരുന്ന ബ്രഹ്മാണ്ഡ ചിത്രമാണ് 'ആർആർആർ'. ബോളിവുഡിലെയും തെന്നിന്ത്യയിലെയും പ്രശസ്‌ത താരനിര ഒന്നിച്ചെത്തുന്ന ചിത്രത്തിന്‍റെ നിർമാണം അവസാനഘട്ടത്തിലാണ്.

ജൂനിയർ എൻടിആറും രാം ചരണും മുഖ്യകഥാപാത്രങ്ങളാകുന്ന ആർആർആറിൽ ആലിയ ഭട്ടാണ് നായിക. തന്‍റെ ആദ്യ തെന്നിന്ത്യൻ ചിത്രത്തിന്‍റെ ഭാഗമാകാനായി താരം മുൻപ് ഹൈദരാബാദിലെ സിനിമാലൊക്കേഷനിൽ എത്തിയതും വാർത്തകളിൽ ഇടംപിടിച്ചിരുന്നു.

ആർആർആറിലെ സീതയാവാൻ ആലിയ ഭട്ട് വീണ്ടും ലൊക്കേഷനിലേക്ക്

കൊവിഡ് രണ്ടാം തരംഗത്തോടെ നിശ്ചമായ സിനിമാമേഖല വീണ്ടും ചിത്രീകരണത്തിലേക്ക് കടന്നതോടെ ആർആർആറിൽ തന്‍റെ ഭാഗം പൂർത്തിയാക്കാനായി ആലിയ വിമാനത്തിൽ ഹൈദരാബാദിലേക്ക് പുറപ്പെട്ടു. തന്‍റെ ഇൻസ്റ്റഗ്രാം സ്റ്റോറിയിലൂടെയാണ് ആർആർആറിന്‍റെ ഷൂട്ടിങ് വിശേഷം നടി പങ്കുവച്ചത്.

നാളെ മുതൽ ആലിയ ബിഗ് ബജറ്റ് ചിത്രത്തിന്‍റെ നിർമാണ പ്രവർത്തനങ്ങളിൽ വീണ്ടും സജീവമാകുമെന്നാണ് റിപ്പോർട്ടുകളും സൂചിപ്പിക്കുന്നത്.

More Read: കാത്തിരിപ്പിന് ആവേശം; രാജമൗലിയുടെ 'ആർആർആർ' റിലീസ് പ്രഖ്യാപിച്ചു

സ്വാതന്ത്ര്യത്തിന് മുൻപുള്ള ഇന്ത്യൻ കാലഘട്ടം അവതരിപ്പിക്കുന്ന ആർആർആറിൽ അജയ്‌ ദേവ്‌ഗണും നിർണായകകഥാപാത്രത്തെ അവതരിപ്പിക്കുന്നുണ്ട്. ബ്രിട്ടീഷ് രാജിനെയും ഹൈദരാബാദ് നിസാം രാജവംശത്തെയും പൊരുതി തോൽപ്പിച്ച രണ്ട് ധീരയോദ്ധാക്കളുടെ സാങ്കൽപിക കഥയാണ് ചിത്രത്തിന്‍റെ ഇതിവൃത്തം. വി. വിജയേന്ദ്ര പ്രസാദാണ് ആർആർആറിന്‍റെ രചന നിർവഹിച്ചിരിക്കുന്നത്.

രാജമൗലിയുടെ സീതയാവാൻ ആലിയ ഭട്ട് ഹൈദരാബാദിലേക്ക്

ഇന്ത്യൻ സിനിമാപ്രേമികൾ ആകാംക്ഷയോടെ കാത്തിരിക്കുന്ന രാജമൗലി ചിത്രം ഒക്ടോബർ 13ന് തിയേറ്ററുകളിൽ പ്രദർശനത്തിനെത്തും.