Prithviraj release : അക്ഷയ്‌ കുമാറിന്‍റെ ഏറ്റവും പുതിയ ചരിത്ര സിനിമയായ 'പൃഥ്വിരാജി'ന്‍റെ പുതിയ റിലീസ് തീയതി പുറത്ത്‌. റിലീസ് തീയതിക്കൊപ്പം അക്ഷയ്‌ കുമാര്‍, മാനുഷി ചില്ലാര്‍, സഞ്ജയ് ദത്ത്, സോനു സൂദ്‌ എന്നിവരുടെ ക്യാരക്‌ടര്‍ മോഷന്‍ പോസ്‌റ്ററുകളും പുറത്തിറങ്ങി. 2022 ജൂണ്‍ 10നാണ് പൃഥ്വിരാജ് റിലീസിനെത്തുക.
Prithviraj release date postponed multiple times : ഇതിഹാസ പോരാളി പൃഥ്വിരാജ് ചൗഹാന്‍റെ ജീവിതകഥ പറയുന്ന ചരിത്ര സിനിമയാണ്‌ 'പൃഥ്വിരാജ്'. കൊവിഡ്‌ സാഹചര്യത്തില്‍ 'പൃഥ്വിരാജി'ന്‍റെ റിലീസ് പലതവണ മാറ്റിവച്ചിരുന്നു. 2020 നവംബർ 13ന് ദീപാവലി ദിനത്തിൽ റിലീസ് ചെയ്യാനായിരുന്നു ആദ്യം നിശ്ചയിച്ചിരുന്നത്‌.
പിന്നീട്‌ 2022 ജനുവരി 21ന് തിയേറ്ററുകളിൽ എത്തിക്കാന്‍ തീരുമാനിച്ചിരുന്നെങ്കിലും അതും മാറ്റിവച്ചു. ഏറ്റവും ഒടുവില്‍ 2022 ജൂണ്‍ 10ല്‍ എത്തിയിരിക്കുകയാണ്. ഹിന്ദിയെ കൂടാതെ തമിഴ്, തെലുങ്ക് ഭാഷകളിലും ജൂണ്‍ 10ന് ചിത്രം റിലീസ് ചെയ്യുമെന്നും താരം ട്വീറ്റ്‌ ചെയ്‌തു.
Prithviraj motion posters: ചിത്രത്തിന്‍റെ മോഷന്‍ പോസ്‌റ്ററുകള്‍ പങ്കുവച്ച്‌ അക്ഷയ്‌ കുമാര്‍ തന്‍റെ സോഷ്യല്‍ മീഡിയ പേജുകളിലൂടെ പുതിയ റിലീസ് തീയതി പുറത്തുവിടുകയായിരുന്നു.
ചന്ദ് വർദായ് എന്ന കഥാപാത്രത്തെ അവതരിപ്പിക്കുന്ന സോനു സൂദിന്‍റെ മോഷൻ പോസ്റ്ററാണ് അക്ഷയ്‌ കുമാര്‍ തന്‍റെ ട്വിറ്ററില്‍ ആദ്യം പങ്കുവച്ചത്‌. ചിത്രത്തില്‍ കാക്ക കൻഹ എന്ന കഥാപാത്രത്തെ അവതരിപ്പിക്കുന്ന സഞ്ജയ് ദത്തിന്‍റെ ലുക്കും താരം പങ്കുവച്ചു. രാജാവ്‌ പൃഥ്വിരാജ് ചൗഹാന്‍റെ വിശ്വസ്‌തനായ കൂട്ടാളിയാണ് കാക്ക കന്‍ഹ.