ഹൈദരാബാദ്: വെറ്റിനറി ഡോക്ടറെ പീഡിപ്പിച്ച് കത്തിച്ച് കൊന്ന കേസിലെ നാല് പ്രതികളും പൊലീസ് ഏറ്റുമുട്ടലില്‍ കൊല്ലപ്പെട്ട സംഭവത്തില്‍ ഹൈദരാബാദ് പൊലീസിന് അഭിനന്ദനവുമായി ഇന്ത്യന്‍ സിനിമാലോകവും. അനുപം ഖേര്‍, റിഷി കപൂര്‍, നാഗാര്‍ജുന അക്കിനേനി, അല്ലു അര്‍ജുന്‍, നാനി, സാമന്ത അക്കിനേനി, രാകുല്‍ പ്രീത് സിങ് തുടങ്ങി നിരവധി താരങ്ങളാണ് പൊലീസിനെ പ്രശംസിച്ച് ട്വീറ്റ് ചെയ്തത്. ഹൈദരാബാദ് പൊലീസിന് സല്യൂട്ടെന്നാണ് താരങ്ങളില്‍ ഏറെയും ട്വീറ്റ് ചെയ്തത്. നല്ലൊരു വാര്‍ത്തയോടെ ഇന്നത്തെ ദിവസം ആരംഭിക്കാന്‍ സാധിച്ചതില്‍ സന്തോഷമുണ്ടെന്നും താരങ്ങള്‍ ട്വീറ്റ് ചെയ്തു.
ഹൈദരാബാദ് പൊലീസിന് അഭിനന്ദനങ്ങളുമായി സിനിമാലോകവും - ഹൈദരാബാദ് വെറ്റിനറി ഡോക്ടര്‍ കൊലപാതകം
ഹൈദരാബാദ് പൊലീസിന് സല്യൂട്ടെന്നാണ് താരങ്ങളില്‍ ഏറെയും ട്വീറ്റ് ചെയ്തത്. നല്ലൊരു വാര്‍ത്തയോടെ ഇന്നത്തെ ദിവസം ആരംഭിക്കാന്‍ സാധിച്ചതില്‍ സന്തോഷമുണ്ടെന്നും താരങ്ങള്‍ ട്വീറ്റ് ചെയ്തു
ഹൈദരാബാദ് പൊലീസിന് അഭിനന്ദനങ്ങളുമായി സിനിമാലോകവും
ഇന്ന് പുലര്‍ച്ചെയാണ് തെളിവെടുപ്പിനിടെ നാല് പ്രതികളെ പൊലീസ് വെടിവെച്ച് കൊലപ്പെടുത്തിയത്. പൊലീസിനെ ആക്രമിച്ച് രക്ഷപ്പെടാന്‍ ശ്രമിക്കുന്നതിനിടെയാണ് വെടിയുതിര്‍ത്തതെന്ന് പൊലീസ് ഉദ്യോഗസ്ഥര്‍ പറഞ്ഞു. സംഭവത്തിന് ശേഷം നിരവധി പേരാണ് പൊലീസിന് അഭിനന്ദനവുമായി രംഗത്തെത്തിയത്. വെറ്റിനറി ഡോക്ടറുടെ കൊലപാതകത്തിന് കാരണക്കാരായവര്‍ക്ക് അര്‍ഹിക്കുന്ന ശിക്ഷ നല്‍കണമെന്നാവശ്യപ്പെട്ട് രാജ്യത്താകമാനം പ്രതിഷേധം ശക്തമാകുന്നതിനിടെയാണ് പ്രതികള്‍ പൊലീസുമായുള്ള ഏറ്റുമുട്ടലില്‍ കൊല്ലപ്പെട്ട വാര്‍ത്ത പുറത്തുവന്നത്.
TAGGED:
Film fraternity reacts