ആയിരം വര്‍ഷങ്ങള്‍ക്ക് ശേഷം സംഭവിക്കുന്ന സൗരയൂഥ പ്രതിഭാസം ഏപ്രില്‍ അവസാനത്തോടെ രാജ്യത്ത് ദൃശ്യമാകുകയാണ്. ശുക്രന്‍, ചൊവ്വ , വ്യാഴം, ശനി എന്നീ ഗ്രഹങ്ങള്‍ ഒരുമിച്ച് നേര്‍ രേഖയില്‍ നിലയുറപ്പിക്കുന്നതാണ് ഈ പ്രതിഭാസം. കിഴക്കന്‍ ഇന്ത്യന്‍ സംസ്ഥാനങ്ങളുടെ ആകാശങ്ങളില്‍ ഈ പ്രതിഭാസം ദൃശ്യമാകും.
ഇത്തരത്തിലുള്ള ഗ്രഹങ്ങളുടെ പരേഡ് അവസാനമായി സംഭവിച്ചത് 947 എഡിയിലാണ്. എപ്രില്‍ 27ന് 30 ഡിഗ്രിക്കുള്ളില്‍ ഈ നാല് ഗ്രഹങ്ങളും ചന്ദ്രനോടൊപ്പം നേര്‍ രേഖയില്‍ കിഴക്കന്‍ ചക്രവാളത്തില്‍ ദൃശ്യമാകും. ഏപ്രില്‍ 30ന് ഏറ്റവും പ്രകാശമുള്ള ഗ്രഹങ്ങളായ ശുക്രനും ജ്യൂപ്പിറ്ററും വളരെ അടുത്തടുത്ത് ദൃശ്യമാകും. ശുക്രന്‍ 0.2 ഡിഗ്രി വ്യാഴത്തിന്‍റെ തെക്കായിട്ടാണ് കാണപ്പെടുക.