സിയോള്‍: തങ്ങളുടെ മുന്‍ മോഡലിനായി പുറത്തിറക്കിയ ആന്‍ഡ്രോയിഡ് 13 അധിഷ്‌ഠിത വണ്‍ യുഐ 5 അടുത്ത മോഡലിലേക്ക് കൂട്ടി വ്യാപിപ്പിച്ച് ടെക് ഭീമനായ സാംസങ്. ഗാലക്‌സി എഫ് 22നായി അപ്‌ഡേറ്റായി പുറത്തിറക്കിയ ആന്‍ഡ്രോയിഡ് 13 അധിഷ്‌ഠിത വണ്‍ യുഐ 5 ഫീച്ചറുകളാണ് തങ്ങളുടെ പുതിയ മോഡലായ ഗാലക്‌സി എഫ് 23 ലേക്ക് സാംസങ് വ്യാപിപ്പിക്കുന്നത്. ആന്‍ഡ്രോയിഡിന്‍റെ ഈ ഏറ്റവും പുതിയ പതിപ്പിനൊപ്പം സാംസങിന്‍റെ കസ്‌റ്റം ആന്‍ഡ്രോയിഡ് സ്‌കിന്നും കമ്പനി എഫ് 23ല്‍ എത്തിക്കുമെന്ന് സാങ്കേതിക വിദഗ്‌ദരായ ജിഎസ്‌എം അരേനയാണ് റിപ്പോര്‍ട്ട് ചെയ്‌തത്.
ETV Bharat / science-and-technology
വണ്‍ യുഐ 5 ഗാലക്‌സി എഫ് 23ലേക്കും നല്‍കി സാംസങ് - ആന്‍ഡ്രോയിഡ്
ഏറെ സവിശേഷതകള്‍ ഉള്‍പ്പെടുത്തി മുന്‍ മോഡലായ ഗാലക്‌സി എഫ് 22ല്‍ അപ്‌ഡേറ്റായി പുറത്തിറക്കിയ ആന്‍ഡ്രോയിഡ് 13 അധിഷ്‌ഠിത വണ്‍ യുഐ 5 നിലവിലെ മോഡലായ ഗാലക്‌സി എഫ് 23 ലേക്കെത്തിച്ച് സ്‌മാര്‍ട്‌ഫോണ്‍ നിര്‍മാതാക്കളായ സാംസങ്
ഗാലക്‌സി എഫ് 22 ല്‍ പരിചയപ്പെടുത്തിയ വണ്‍ യുഐ 5 നിലവിലെ മോഡലായ ഗാലക്‌സി എഫ് 23 ലേക്കും വ്യാപിപ്പിച്ച് സാംസങ്
ഗാലക്‌സി എഫ് 23നായുള്ള വണ്‍ യുഐ 5 സവിശേഷതകള്‍ അടങ്ങിയ അപ്‌ഡേറ്റ് E236BXXU1BVL1 ഫേംവെയര്‍ പതിപ്പാണെന്നും ഇത് ഡൗണ്‍ലോഡ് ചെയ്യാനായി 2.7 ജിബി ആവശ്യമാണെന്നും ജിഎസ്‌എം അരേന പറയുന്നു. ഇത് സാധാരണമായും യുഐ 5 ഗുഡീസിനൊപ്പമാണ് വരുന്നതെന്നും ഇവ ആന്‍ഡ്രോയിഡ് സുരക്ഷ പാച്ച ലെവല്‍ വര്‍ധിപ്പിക്കുമെന്നും ഇവര്‍ വ്യക്തമാക്കി. എന്നാല്‍ വണ്‍ യുഐ 5നായുള്ള അപ്‌ഡേറ്റ് നിലവില്‍ ഇന്ത്യയില്‍ ആരംഭ ഘട്ടത്തിലാണുള്ളത്. അതുകൊണ്ടുതന്നെ ഈ അപ്‌ഡേറ്റ് ഇതേവരെ ലഭിക്കാത്തവര്‍ ഗാലക്‌സി എഫ് 23യുടെ സെറ്റിങ്‌സില്‍ കയറി സോഫ്‌റ്റ്‌വെയര്‍ അപ്‌ഡേറ്റിലെത്തി സ്വമേധയ പരിശോധിച്ച് അപ്‌ഡേറ്റ് ചെയ്യാമെന്നും ഇവര്‍ വ്യക്തമാക്കി.
സ്‌മാര്‍ട്‌ഫോണ്‍ രംഗത്തെ മുന്‍നിരക്കാരായ സാംസങ് നിലവില്‍ ആന്‍ഡ്രോയിഡ് 13 അടിസ്ഥാനമാക്കിയ വണ്‍ യുഐ 5 അപ്‌ഡേഷനുമായാണ് തങ്ങളുടെ സ്‌മാര്‍ട്‌ഫോണുകള്‍ പുറത്തിറക്കുന്നത്. ഭാവിയില്‍ ഇവ വേഗത്തിലും കൂടുതല്‍ ഉപകരണങ്ങളിലേക്കും കൊണ്ടുവരാനും കമ്പനി പദ്ധതിയിടുന്നുണ്ട്. അതേസമയം സാംസങ് തങ്ങളുടെ എ സീരീസ് സ്‌മാര്‍ട് ഫോണ്‍ ലൈനപ്പില്‍ ഉള്‍പ്പെടുന്ന എ7 എക്‌സ് വിപണിയില്‍ പിന്‍വലിക്കാന്‍ തീരുമാനിച്ചിട്ടുള്ളതായാണ് വിവരം. മാത്രമല്ല ഇതോടെ എ 7 എക്‌സ് വിപണിയോട് വിടപറയും.