കേപ്പ് കനാവെറല്‍: ചൊവ്വയില്‍ ഹെലികോപ്റ്റര്‍ പറത്തി ചരിത്രം സൃഷ്‌ടിച്ച നാസ കഴിഞ്ഞ ദിവസം അതിന്‍റെ ചിത്രങ്ങളും വീഡിയോയും പുറത്തുവിട്ടിരുന്നു. ഇപ്പോഴിതാ മൂളിപ്പറക്കുന്ന കുഞ്ഞൻ ഹെലികോപ്റ്ററിന്‍റെ ശബ്‌ദവും പുറത്തുവിട്ടിരിക്കുകയാണ് അധികൃതർ. കാലിഫോർണിയയിലെ നാസയുടെ ജെറ്റ് പ്രൊപ്പല്‍ഷൻ ലബോറട്ടറിയാണ് ഓഡിയോ പുറത്തുവിട്ടിരിക്കുന്നത്.
മിനുട്ടില്‍ 2500 തവണയെന്ന വേഗത്തിലാണ് ഹെലികോപ്റ്റര്‍ ചിറക് കറങ്ങുന്നത്. ഈച്ചയും കൊതുകും പോലുള്ള ജീവികള്‍ പുറപ്പെടുവിക്കുന്ന ശബ്ദമാണ് ഇപ്പോള്‍ പുറത്തുവിട്ട ഓഡിയോയിലുള്ളത്. വിക്ഷേപണ വാഹനത്തില്‍ ഘടിപ്പിച്ചിരിക്കുന്ന സ്‌പീക്കറിലാണ് ഹെലികോപ്റ്ററിന്‍റെ ശബ്ദം പതിഞ്ഞിരിക്കുന്നത്. 108 കിലോഗ്രാം മാത്രം ഭാരമുള്ള കുഞ്ഞൻ ഹെലികോപ്റ്റര്‍ വിക്ഷേപണ വാഹനത്തില്‍ നിന്നും 80 മീറ്ററോളം ഉയരത്തിലാണ് ഒപ്പം മേഖലയിലെ കാറ്റും കാരണമാണ് ശബ്ദം കുറഞ്ഞിരിക്കുന്നതെന്നാണ് അധികൃതർ നല്‍കുന്ന വിവരം.