ചെന്നൈ(തമിഴ്‌നാട്): ഇന്ത്യൻ നിർമിത ഡ്രോൺ ക്യാമറ 'ദ്രോണി' അവതരിപ്പിച്ച് ക്രിക്കറ്റ് താരം മഹേന്ദ്ര സിങ് ധോണി. ക്വാഡ്‌കോപ്റ്റർ കൺസ്യൂമർ ക്യാമറ ഡ്രോണാണ് 'ദ്രോണി'. ചെന്നൈ ആസ്ഥാനമായ സ്‌റ്റാർട്ട്‌അപ്പ് കമ്പനിയായ ഗരുഡ എയ്‌റോസ്‌പേസാണ് ഡ്രോൺ നിർമിച്ചത്.
ETV Bharat / science-and-technology
ഇന്ത്യൻ നിർമിത ഡ്രോൺ; 'ദ്രോണി' അവതരിപ്പിച്ച് മഹേന്ദ്ര സിങ് ധോണി - ക്വാഡ്‌കോപ്റ്റർ കൺസ്യൂമർ ക്യാമറ
ഇന്ത്യൻ നിർമിത ക്വാഡ്‌കോപ്റ്റർ കൺസ്യൂമർ ക്യാമറ ഡ്രോണാണ് 'ദ്രോണി'.
ഇന്ത്യൻ നിർമിത ഡ്രോൺ; 'ദ്രോണി' അവതരിപ്പിച്ച് മഹേന്ദ്ര സിങ് ധോണി
ഇന്നലെ(09.10.2022) ചെന്നെയിൽവച്ച് നടന്ന ചടങ്ങിലാണ് ഡ്രോൺ പുറത്തിറക്കിയത്. കമ്പനിയുടെ ബ്രാൻഡ് അംബാസിഡറാണ് ധോണി. വിവിധ നിരീക്ഷണ ആവശ്യങ്ങൾക്കായി 'ദ്രോണി' ഉപയോഗിക്കാം. ഈ വർഷം അവസാനത്തോടെ വിപണിയിൽ ഡ്രോൺ ലഭ്യമാകുമെന്നും കമ്പനിയുടെ സ്ഥാപകനും സിഇഒയുമായ അഗ്നിശ്വർ ജയപ്രകാശ് പറഞ്ഞു.
കാർഷിക ആവശ്യങ്ങൾക്കായി 'കിസാൻ ഡ്രോണും' ഞായറാഴ്‌ച(ഒക്‌ടോബര്‍ 9) കമ്പനി പുറത്തിറക്കി. ബാറ്ററിയിലാണ് കിസാൻ ഡ്രോൺ പ്രവർത്തിക്കുന്നത്. പ്രതിദിനം 30 ഏക്കറോളം സ്ഥലത്ത് കീടനാശിനി തളിക്കാൻ ഈ ഡ്രോൺ ഉപയോഗിച്ച് സാധിക്കും. കീടനാശിനി തളിക്കൽ, സോളാർ പാനൽ വൃത്തിയാക്കൽ, വ്യാവസായിക പൈപ്പ്‌ലൈൻ പരിശോധനകൾ, പൊതു അറിയിപ്പുകൾ നൽകൽ, വിതരണം ചെയ്യൽ, മാപ്പിങ്, സർവേയിങ്‌ എന്നിവയ്‌ക്ക് കർഷകരെ സഹായിക്കുന്ന ഡ്രോണാണ് 'കിസാൻ ഡ്രോൺ'.
Last Updated : Oct 10, 2022, 3:48 PM IST