ന്യൂഡല്‍ഹി: ഹ്യുണ്ടായ് മോട്ടോഴ്‌സ് ഇന്ത്യയുടെ ഗ്രാന്‍റ് ഐ 10 നിയോസ് കോര്‍പ്പറേറ്റ് എഡിഷന്‍ പുറത്തിറക്കി. 6.28 ലക്ഷം മുതലാണ് വാഹനത്തിന്‍റെ എക്സ് ഷോറൂം വില. 1.2 ലിറ്റര്‍ പെട്രോള്‍ എഞ്ചിനാണ് വാഹനത്തിലുള്ളത്. ഓട്ടോമാറ്റിക്ക്, മാനുവല്‍ ഗിയറുകളില്‍ വാഹനം ലഭ്യമാണ്.
ഫൈവ് സ്‌പീഡ് മാനുവല്‍ ഗിയര്‍ വാഹനത്തിന് 6.28 ലക്ഷം രൂപയാണ് വില. ഓട്ടോമാറ്റിക്കിന് 6.97 ലക്ഷവും വില വരും. രാജ്യത്തെ വാഹന പ്രേമികളുടെ ആവശ്യങ്ങളെ തൃപ്‌തിപ്പെടുത്തുന്നതാണ് വാഹനമെന്ന് കമ്പനി അവകാശപ്പെട്ടു. കൂടുതല്‍ സ്പോട്ടിയും ഹൈടെക്കുമാണ് വാഹനമെന്നാണ് കമ്പനിയുടെ അവകാശ വാദം.