ബെയ്‌ജിങ്: ഉപയോക്താക്കള്‍ക്ക് സന്തോഷം പകരുന്ന വാര്‍ത്ത പുറത്തുവിട്ട് പ്രമുഖ സ്‌മാര്‍ട്ട്‌ഫോണ്‍ ബ്രാന്‍ഡായ റിയല്‍മി. ജൂലൈ 12 ന് പുറത്തിറങ്ങാനിരിക്കുന്ന ജി.ടി 2 എക്‌സ്‌പ്ലോറര്‍ മാസ്‌റ്ററില്‍ എല്‍.പി.ഡി.ഡി.ആര്‍ 5 എക്‌സ് റാം (Random Access Memory) ഉള്‍പ്പെടുത്തും. ഈ ഫീച്ചര്‍ അവതരിപ്പിക്കുന്ന ആദ്യ സ്‌മാര്‍ട്ട്‌ഫോണായിരിക്കും ഇതെന്നും കമ്പനി അറിയിച്ചു.
മൊബൈൽ ഉപകരണങ്ങൾക്കായുള്ള റാം സാങ്കേതികവിദ്യയിലെ ഏറ്റവും പുതിയ മോഡലാണ് എല്‍.പി.ഡി.ഡി.ആര്‍ 5 എക്‌സ് റാം. സ്‌നാപ്‌ഡ്രാഗണ്‍ എട്ട് പ്ലസ് ജെന്‍ 1 പ്രോസസറാണ് സ്‌മാര്‍ട്ട്‌ഫോണിലുണ്ടാവുക. വ്യാഴാഴ്‌ചയാണ് ഇതുസംബന്ധിച്ച വിവരം കമ്പനി പുറത്തുവിട്ടത്.