വാഹനാപകടത്തില്‍ യുവാവ് മരിച്ചു

അഴൂർ സ്വദേശി പുതുവീട്ടില്‍ എ.നിഹാസാണ് മരിച്ചത്

തിരുവനന്തപുരം: സ്കൂട്ടറും കാറും കൂട്ടിയിടിച്ച് യുവാവ് മരിച്ചു. അഴൂർ സ്വദേശി പുതുവീട്ടില്‍ എ.നിഹാസാണ് മരിച്ചത്. 28 വയസായിരുന്നു. തിങ്കളാഴ്ച രാവിലെയാണ് അപകടമുണ്ടായത്. പോത്തൻകോട് നന്നാട്ടുകാവില്‍ വെച്ച് നിഹാസ് ഓടിച്ചിരുന്ന സ്കൂട്ടര്‍ എതിരെ വന്ന കാറിൽ ഇടിക്കുകയായിരുന്നു. പെരിങ്ങമലയുള്ള ബന്ധുവീട്ടിൽ നിന്നും തിരുവനന്തപുരത്തുള്ള ജോലിസ്ഥലത്തേക്ക് പോകവെയാണ് അപകടം സംഭവിച്ചത്. ഉടന്‍ ആശുപത്രിയിലെത്തിച്ചെങ്കിലും മരിച്ചു. തിരുവനന്തപുരത്ത് അക്കൗണ്ടന്‍റാണ് നിഹാസ്. അബ്ദുൽ സലാം-ആരിഫ ബീവി ദമ്പതികളുടെ ഇളയ മകനാണ് നിഹാസ്. നിഷാദ്, നിസാം എന്നിവർ സഹോദരങ്ങളാണ്. മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റി. ഖബറടക്കം ചൊവ്വാഴ്ച പെരുങ്കുഴി ജുമാ മസ്ജിദിൽ നടക്കും.