ഹൊനിയാര:സോളമന്‍ ദ്വീപുകളില്‍ ഉണ്ടായ ശക്തമായ ഭൂകമ്പത്തെ തുടര്‍ന്ന് സുനാമി മുന്നറിയിപ്പ്. റിക്‌ടര്‍ സ്‌കെയില്‍ 7.0 തീവ്രത രേഖപ്പെടുത്തിയ ഭൂചലനം ചൊവ്വ ഉച്ചയോടെയാണ് (പ്രാദേശിക സമയം) മേഖലയില്‍ അനുഭവപ്പെട്ടത്. ഭൂകമ്പത്തിന്‍റെ സാഹചര്യത്തില്‍ വ്യാപകമായ നാശനഷ്‌ടങ്ങളോ പരിക്കുകളോ റിപ്പോർട്ട് ചെയ്‌തിട്ടില്ല.
ഭൂകമ്പം സ്ഥലത്തെ ഒന്നാകെ പിടിച്ചുകുലുക്കിയെന്ന് ഫ്രീലാൻഡ്സ് ജേണലിസ്റ്റ് ചാർലി പിരിംഗി വ്യക്തമാക്കി. സംഭവസമയത്ത് താന്‍ തലസ്ഥാന നഗരമായ ഹൊനിയാരയുടെ പ്രാന്തപ്രദേശത്തുള്ള ഒരു പ്രൈമറി, സെക്കൻഡറി സ്‌കൂളിന് സമീപമുള്ള ഒരു വെയർഹൗസിന് പുറത്ത് നില്‍ക്കുകയായിരുന്നു. ഭൂചലനം ഉണ്ടായപ്പോള്‍ എല്ലാവരും ഞെട്ടിത്തരിച്ച് ഓടുന്നതാണ് കണ്ടതെന്നും അദ്ദേഹം കൂട്ടിച്ചേര്‍ത്തു.