സാൻഫ്രാൻസിസ്‌കോ : യുഎസിൽ ആദ്യത്തെ സോഫ്‌റ്റ്‌വെയർ പേറ്റന്‍റ് (first software patent ) ലഭിച്ച മാർട്ടിൻ ഗോയറ്റ്‌സ് (Martin Goetz) അന്തരിച്ചു. 'തേർഡ് പാർട്ടി സോഫ്‌റ്റ്‌വെയറിന്‍റെ പിതാവ്' (Father Of Third Party Software) എന്നാണ് മാർട്ടിൻ അറിപ്പെടുന്നത്. 93 വയസായിരുന്നു.
1968 ലാണ് ഗോയറ്റ്‌സും പങ്കാളികളും ചേർന്ന് 'അപ്ലൈഡ് ഡാറ്റ റിസർച്ച്' (Applied Data Research company) എന്ന പേരിൽ കമ്പനി ആരംഭിച്ചത്. പിന്നാലെ ഏകേദശം ഒരു ദശാബ്‌ദത്തിന് ശേഷമാണ് മെയിൻ ഫ്രെയിമുകൾക്കായുള്ള ഡാറ്റ-സോർട്ടിങ് സോഫ്‌റ്റ്‌വെയറിനുള്ള പേറ്റന്‍റ് അദ്ദേഹത്തിന് ലഭിച്ചത്. അക്കാലമത്രയും സോഫ്‌റ്റ്‌വെയറിനെ പേറ്റന്‍റ് ഉത്‌പന്നമായി കണക്കാക്കിയിരുന്നില്ല. പകരം ഇത്തരത്തിലുള്ള പുതിയ ഫീച്ചറുകൾ ഐബിഎം നിർമിക്കുന്നത് പോലുള്ള മെയിൻ ഫ്രെയിമുകളിലേക്ക് കൂട്ടിച്ചേർക്കുകയായിരുന്നു ചെയ്‌തിരുന്നത്.