വാഷിങ്‌ടണ്‍: യുഎസിലെ ടെക്‌സാസില്‍ സ്‌കൂളിലുണ്ടായ വെടി വയ്പ്പില്‍ കുട്ടികളും മുതിര്‍ന്നവരും കൊല്ലപ്പെട്ട സംഭവത്തില്‍ വികാരഭരിതനായി യുഎസ്‌ പ്രസിഡന്‍റ്‌ ജോ ബൈഡന്‍. ഇത്‌ പ്രതികരിക്കാനുള്ള സമയമാണെന്നും രാജ്യത്തെ തോക്ക്‌ ലോബിയെ തകര്‍ക്കുമെന്നും ബൈഡൻ കൊല്ലപ്പെട്ടവരുടെ കുടുംബാംഗങ്ങളുടെ ദുഃഖത്തില്‍ പങ്കുചേര്‍ന്ന് പറഞ്ഞു.
"രാജ്യത്തെ തോക്ക്‌ ലോബികള്‍ക്കെതിരെ എന്നാണ് നാം പ്രതികരിക്കുക, ഇനി എന്ന് വരെ നമ്മള്‍ ഇത്‌ ചുമക്കും? ഇത്‌ പ്രതികരിക്കാനുള്ള സമയമാണ്" - ബൈഡന്‍ പറഞ്ഞു. ടെക്സാസ് സ്‌കൂളിലെത്തിയ 18കാരൻ കൈത്തോക്ക് ഉപയോഗിച്ചാണ് വിദ്യാര്‍ഥികളുടെ നേര്‍ക്ക് വെടിയുതിർത്തത്.