Indian Trainee Pilots Killed In Plane Crash Canada വിമാനാപകടം; കാനഡയിൽ ഇന്ത്യൻ ട്രെയിനി പൈലറ്റുമാരുൾപ്പടെ 3 പേർ കൊല്ലപ്പെട്ടു

Three people including Indian trainee pilots were killed: മുംബൈ സ്വദേശി അഭയ് ഗാദ്രു, 25 കാരനായ യാഷ് രാമുഗഡേൊ എന്നിവരാണ് കൊല്ലപ്പെട്ട ഇന്ത്യക്കാർ.

ടൊറന്‍റോ:കാനഡയിലുണ്ടായ വിമാനാപകടത്തിൽ രണ്ട് ഇന്ത്യൻ ട്രെയിനി പൈലറ്റുമാർ ഉൾപ്പെടെ മൂന്നുപേർ കൊല്ലപ്പെട്ടു. കാനഡയിലെ ബ്രിട്ടീഷ് കൊളംബിയ പ്രവിശ്യയിലാണ് ചെറുവിമാനം തകർന്ന് അപകടമുണ്ടായത്. ഇരട്ട എഞ്ചിൻ ലൈറ്റ് എയർക്രാഫ്റ്റ് - പൈപ്പർ പിഎ -34 സെനെക (piper PA-34 Seneca), വാൻകൂവറിൽ നിന്ന് 100 കിലോമീറ്റർ കിഴക്ക് ചില്ലിവാക്ക് നഗരത്തിലെ പ്രാദേശിക വിമാനത്താവളത്തിന് സമീപം വെള്ളിയാഴ്‌ച തകർന്ന് വീഴുകയായിരുന്നു (2 Indian trainee pilots among 3 people killed in small plane crash in Canada).

വിമാനത്തിലുണ്ടായിരുന്ന പൈലറ്റും ട്രെയിനി പൈലറ്റുമാരും മരണപ്പെട്ടതായി റോയൽ കനേഡിയൻ മൗണ്ടഡ് പൊലീസിൽ നിന്നുള്ള പീറ്റ് ഹീലിയെ ഉദ്ധരിച്ച് കനേഡിയൻ ബ്രോഡ്‌ സ്റ്റിംഗ് കോർപ്പറേഷൻ (സിബിസി) റിപ്പോർട്ട് ചെയ്‌തു (Indian Trainee Pilots Killed in Plane Crash in Canada). അഭയ് ഗാദ്രു, 25 കാരനായ യാഷ് രാമുഗഡേ (Abhay Gadru and Yash Ramugade) എന്നിവരാണ് മരണപ്പെട്ട ഇന്ത്യൻ ട്രെയിനി പൈലറ്റുമാർ. മുംബൈ സ്വദേശിയാണ് മരിച്ച അഭയ് ഗാദ്രു.

പൈലറ്റ് പരിശീലനം പൂർത്തിയാക്കാൻ മൂന്ന് വർഷം മുമ്പാണ് ഗദ്രു കാനഡയിലേക്ക് മാറിയതെന്നും നവംബറിൽ ബിരുദം നേടുമെന്ന് പ്രതീക്ഷിച്ചിരുന്നതായും അദ്ദേഹത്തിന്‍റെ ബന്ധു സ്‌ദ്രദ്ധ ട്രിസൽ ശനിയാഴ്‌ച മാധ്യമങ്ങളോട് പ്രതികരിച്ചു. ബ്രിട്ടീഷ് കൊളംബിയ പ്രവിശ്യയിൽ താമസിക്കുന്ന ഗദ്രുവിന്‍റെ സഹോദരൻ ചിരാഗ് ഭൗതികാവശിഷ്‌ടങ്ങൾ ഇന്ത്യയിലെത്തിക്കാൻ ശ്രമിക്കുന്നതായാണ് റിപ്പോർട്ടുകൾ. അതേസമയം മരണപ്പെട്ട മുംബൈ സ്വദേശി യാഷ് രാമുഗുഡെയുടെ കൂടുതൽ വിവരങ്ങൾ കനേഡിയൻ മാധ്യമങ്ങൾ പുറത്തുവിട്ടിട്ടില്ല.

ലാംഗ്ലി ആസ്ഥാനമായുള്ള ഫ്ലൈറ്റ് സ്‌കൂളായ സ്‌കൈക്വസ്റ്റ് ഏവിയേഷന്‍റെ ഉടമസ്ഥതയിലുള്ളതാണ് അപകടത്തിൽപ്പെട്ട പൈപ്പർ പിഎ-34 സെനെക്ക എന്നാണ് വിമാനത്തിന്‍റെ രജിസ്‌ട്രേഷൻ നമ്പർ സൂചിപ്പിക്കുന്നത്. 1972 ലാണ് ഇത് നിർമിക്കപ്പെട്ടത്. ഇതിനിടെ അപകടം സംബന്ധിച്ച് അന്വേഷണം പുരോഗമിക്കുകയാണ് എന്നും നിലവിൽ പ്രതികരിക്കാനില്ലെന്നും സ്കൈക്വസ്റ്റ് ഏവിയേഷനിൽ അഡ്‌മിനിസ്‌ട്രേറ്ററായി ജോലി ചെയ്യുന്ന ജീവനക്കാരൻ പറഞ്ഞു.

അതേസമയം വിമാനത്തിന്‍റെ പൈലറ്റിനെ തിരിച്ചറിഞ്ഞിട്ടില്ലെന്നാണ് റിപ്പോർട്ടുകൾ. ഇരട്ട എഞ്ചിനുകളുള്ള ലൈറ്റ് എയർക്രാഫ്റ്റ് തകർന്നതിന്‍റെ കാരണം ഇതുവരെ അറിവായിട്ടില്ലെന്നും റിപ്പോർട്ടുകൾ പറയുന്നു. സംഭവവുമായി ബന്ധപ്പെട്ട് അന്വേഷണത്തിന് ഉദ്യോഗസ്ഥരെ നിയോഗിച്ചിട്ടുണ്ടെന്ന് കാനഡയിലെ ട്രാൻസ്‌പോർട്ടേഷൻ സേഫ്റ്റി ബോർഡ് അറിയിച്ചു.

സിംബാബ്‌വെയില്‍ സ്വകാര്യ വിമാനം തകർന്നുവീണു: സിംബാബ്‌വെയില്‍ സ്വകാര്യ വിമാനം തകർന്ന് മരിച്ചവരിൽ ഇന്ത്യൻ കോടീശ്വരൻ ഹർപാൽ രൺധാവയും (Harpal Randhawa) 22 വയസ്സുള്ള മകനും ഉൾപ്പെട്ടതായി അടുത്തിടെ റിപ്പോർട്ട് പുറത്തുവന്നിരുന്നു. ഹർപാൽ രൺധാവയും മകന്‍ അമേർ കബീർ സിങ് രൺധാവയും (Amer Kabir Singh Randhawa) സഞ്ചരിച്ച വിമാനം തെക്കുപടിഞ്ഞാറൻ സിംബാബ്‌വെയിലെ വജ്രഖനിക്ക് സമീപം തകർന്നുവീഴുകയായിരുന്നു. (Zimbabwe Plane Crash- Indian Billionaire And Son Killed) ഇവരടക്കം ആറ് പേർ കൊല്ലപ്പെട്ടതായാണ് റിപ്പോർട്ടുകൾ.