മാഡ്രിഡ് (സ്പെയിൻ) :ഉഷ്‌ണതരംഗത്തിൽ വിറങ്ങലിച്ച് സ്പെയിൻ. സ്‌പാനിഷ് ആരോഗ്യ മന്ത്രാലയം പുറത്തുവിട്ട കണക്കുപ്രകാരം ഇതുവരെ 84 പേർ മരിച്ചു. സ്പെയിനിന്‍റെ തെക്ക് പടിഞ്ഞാറൻ മേഖലയിൽ 45 ഡിഗ്രി സെൽഷ്യസിന് മുകളിലാണ് ചൂട്.
ഉഷ്‌ണതരംഗത്തിൽ ചുട്ടുപൊള്ളി സ്പെയിൻ : 84 മരണം - കലാവസ്ഥാ വ്യതിയാനം
സ്പെയിനിന്‍റെ തെക്ക് പടിഞ്ഞാറൻ മേഖലയിൽ ചൂട് 45 ഡിഗ്രി സെൽഷ്യസിന് മുകളില്‍
ഉഷ്‌ണതരംഗത്തിൽ ചുട്ട്പൊള്ളി സ്പെയിൻ: 84 മരണം
മറ്റിടങ്ങളില്‍ 40 ഡിഗ്രി സെൽഷ്യസിന് മുകളിലുമാണ് താപനില. അടുത്തയാഴ്‌ച കൂടി കനത്ത ചൂട് തുടരുമെന്നും, മരണസംഖ്യ ഉയരാനാണ് സാധ്യതയെന്നും വാർത്താഏജൻസികള്‍ റിപ്പോർട്ട് ചെയ്‌തു. സ്പെയിനില്‍ ഈ വർഷം റിപ്പോര്‍ട്ട് ചെയ്യപ്പെടുന്ന രണ്ടാമത്തെ ഉഷ്‌ണതരംഗമാണിത്.
ജൂൺ 11 മുതൽ ജൂൺ 20 വരെ നീണ്ടുനിന്ന ആദ്യ ഉഷ്‌ണതരംഗത്തിൽ 829 പേരാണ് മരിച്ചത്. കലാവസ്ഥാവ്യതിയാനത്തിന്‍റെ അനന്തരഫലമാണ് തെക്കൻ യൂറോപ്പിൽ ശക്‌തമാകുന്ന ഉഷ്‌ണതരംഗത്തിന് പ്രധാന കാരണം.