ലണ്ടൻ: ഗൂഗിളിന്‍റെ മാതൃകമ്പനിയായ ആൽഫബെറ്റിൽ കൂട്ടപ്പിരിട്ടുവിടൽ. 12,000 തൊളിലാളികളെയാണ് ആഗോളതലത്തിൽ പിരിച്ചുവിടുന്നത്. തൊഴിലവസരം വെട്ടിക്കുറച്ചതിനെ കുറിച്ച് സിഇഒ സുന്ദർ പിച്ചൈ ഇന്ന് ജീവനക്കാർക്ക് മെമോ അയക്കുകയും കമ്പനിയുടെ വാർത്ത ബ്ലോഗിലൂടെ അറിയിക്കുകയും ചെയ്‌തു.
കൊവിഡ് മഹാമാരി സമയത്ത് മറ്റു ടെക് കമ്പനികൾ നടത്തിയതുപോലുള്ള ഒരു സാമ്പത്തിക മുന്നേറ്റമാണ് കമ്പനി ലക്ഷ്യമിടുന്നതെന്നും സുന്ദർ പിച്ചൈ അറിയിച്ചു. കഴിഞ്ഞ രണ്ട് വർഷം കമ്പനിക്ക് മുന്നേറ്റമുണ്ടായെങ്കിലും അത് ഇപ്പോഴത്തെ സാമ്പത്തിക സാഹചര്യത്തിൽ നിന്നും വ്യത്യസ്‌തമാണെന്ന് അദ്ദേഹം കൂട്ടിച്ചേർത്തു. ആഗോള തലത്തിലാണ് പിരിച്ചുവിടൽ എങ്കിലും യുഎസ് ജീവനക്കാരെയാണ് നടപടി ആദ്യം ബാധിക്കുക. മറ്റ് ശാഖകളിൽ സമയമെടുത്താകും പിരിച്ചു വിടൽ നടത്തുക.