മോസ്‌കോ: ഇറാൻ തലസ്ഥാനമായ ടെഹ്‌റാനിൽ യുക്രൈൻ വിമാനം തകര്‍ന്നതിന്‍റെ ഉത്തരവാദിത്വം ഇറാൻ ഏറ്റെടുത്തതിന് പിന്നാലെ തോര്‍ സംവിധാനമുപയോഗിച്ചാണ് ഇറാൻ വിമാനം ആക്രമിച്ചതെന്ന് വിദഗ്ദ വിലയിരുത്തല്‍. ഇറാഖിലെ യുഎസ് സൈനിക താവളങ്ങൾക്കു നേരെ ഇറാൻ നടത്തിയ ബാലിസ്റ്റിക് ആക്രമണത്തിനു തൊട്ടുപിന്നാലെയാണ് യുക്രൈൻ വിമാനം തകർന്നുവീണത്.
യുക്രൈൻ വിമാനം തകര്‍ക്കാൻ ഉപയോഗിച്ചത് തോര്‍ സംവിധാനമെന്ന് സംശയം
എന്താണ് തോര്‍
നാറ്റോ എസ്‌എ -15 എന്ന് പേരിട്ട തോര്‍, വ്യോമ പ്രതിരോധ സംവിധാനമാണ്. സോവിയറ്റ് കാലഘട്ടത്തിൽ രൂപകൽപ്പന ചെയ്ത ഈ സംവിധാനമുപയോഗിച്ച് വിമാനങ്ങളും ആയുധങ്ങളും വെടിവച്ചിടാനാകും . ട്രാക്കുചെയ്ത വാഹനത്തിൽ ഘടിപ്പിച്ചിരിക്കുന്ന ഇത് റഡാറും എട്ട് മിസൈലുകളുമാണ് ഉള്‍ക്കൊള്ളുന്നത്. ടോറിന് 12 കിലോമീറ്റർ (7.5 മൈൽ) വരെ ദൂര വ്യാപ്തിയാണ് ഇതിന് ഉള്ളത്. ഇതിന് പുറമേ 6 കിലോമീറ്റർ വരെ ഉയരത്തിലും (ഏകദേശം 19,700 അടി) വ്യോമാക്രമണം നടത്താൻ കഴിയും.