നരേന്ദ്ര മോദിക്ക് നന്ദി അറിയിച്ച് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു

പ്രിയ സുഹൃത്തിന് നന്ദി പറയുന്നുവെന്നും ഇസ്രയേലിലെ ജനത മോദിക്ക് നന്ദി അറിയിക്കുന്നതായും നെതന്യാഹു ട്വിറ്ററിൽ കുറിച്ചു.

ജെറുസലേം: ഹൈഡ്രോക്‌സിക്ലോറോക്വിൻ മരുന്നുകൾ നൽകിയതിന് നന്ദി അറിയിച്ച് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു. പ്രിയ സുഹൃത്തിന് നന്ദി പറയുന്നുവെന്നും ഇസ്രയേലിലെ ജനത അങ്ങേക്ക് നന്ദി അറിയിക്കുന്നതായും നെതന്യാഹു ട്വിറ്ററിൽ കുറിച്ചു.

ഇസ്രയേലിൽ ഇതുവരെ 10,000 പേർക്കാണ് കൊവിഡ് സ്ഥിരീകരിച്ചത്. 86 കൊവിഡ് മരണങ്ങൾ റിപ്പോർട്ട് ചെയ്യുമ്പോൾ 120 പേരാണ് ആശുപത്രികളിൽ വെന്‍റിലേറ്ററിൽ ഉള്ളത്. കൊവിഡ് പ്രതിരോധത്തെക്കുറിച്ച് ചർച്ച ചെയ്യാൻ ഏപ്രിൽ മൂന്നിന് ഇരു നേതാക്കന്മാരും ടെലഫോണിൽ ബന്ധപ്പെട്ടിരുന്നു.