ജെറുസലേം:ഒമിക്രോണ്‍ വ്യാപനത്തിന്‍റെ പശ്ചാത്തലത്തില്‍ ജാഗ്രതയോടെ ക്രിസ്‌മസിനെ വരവേല്‍ക്കാന്‍ ഒരുങ്ങുകയാണ് ജെറുസലേമിലെ പഴയ നഗരം. മാലബള്‍ബുകളും തോരണങ്ങളും കൊണ്ട് അലങ്കരിച്ചതിനാല്‍ രാത്രി കാഴ്‌ചകള്‍ മനോഹരമാണ്. ഞായറാഴ്ച ന്യൂ ഗേറ്റിലെ വിപണന കേന്ദ്രങ്ങളില്‍ വലിയ തിരക്കാണുണ്ടായത്.
ഒമിക്രോണ്‍ വ്യാപനത്തിനിടെ ജാഗ്രതയോടെ ക്രിസ്‌മസിനെ വരവേല്‍ക്കാന്‍ ജെറുസലേം.
ഇസ്രയേല്‍, പലസ്‌തീന്‍ പൗരന്മാരായ നിരവധി പേരാണ് ഇവിടേയ്‌ക്ക് എത്തുന്നത്. ഒമിക്രോണ്‍ വ്യാപനത്തെ തുടര്‍ന്ന് രാജ്യം അതിർത്തികൾ അടച്ചിരുന്നു. ഈ സാഹചര്യത്തില്‍ വിദേശ വിനോദസഞ്ചാരികളില്ല. "നമ്മൾ ശുഭാപ്‌തി വിശ്വാസമുള്ളവരായിരിക്കണം. ഉള്ളിൽ നിന്നുള്ള സന്തോഷം പ്രതീക്ഷയാക്കി മാറ്റണം.'' ഇസ്രയേലി ടൂർ ഗൈഡ് ഇറ്റാമർ കെയ്‌ഡന്‍ പറയുന്നു.