ഭക്തി സാന്ദ്രം അറഫ; വിശ്വാസികള്‍ എത്തിതുടങ്ങി

കൊവിഡ് മാനദണ്ഡങ്ങള്‍ പൂര്‍ണമായും പാലിച്ചാണ് ഇത്തവണ വിശ്വാസികള്‍ ഹജ്ജിനെത്തിയത്. ഹജ്ജിന്‍റെ രണ്ടാം ദിനമായ ഇന്ന് നടക്കുന്ന മുഖ്യ ചടങ്ങാണ് അറഫാ സംഗമം

ജിദ്ദ: ഹജ്ജിന്‍റെ സുപ്രാധാന ചടങ്ങായ അറഫാ സംഗമത്തിനായി വിശ്വാസികള്‍ പുലര്‍ച്ചെ മുതല്‍ അറഫാ മൈതാനിയില്‍ എത്തിതുടങ്ങി. മിനയില്‍ നിന്നും പത്തു കിലോമീറ്റര്‍ അകലെ (മക്കയില്‍ നിന്നും 17 കിലോമീറ്റര്‍) കൊവിഡ് മാനദണ്ഡങ്ങള്‍ പാലിച്ച് ഭക്തിസാന്ദ്രമായ അന്തരീക്ഷത്തിലാണ് വിശ്വാസികള്‍ എത്തിക്കൊണ്ടിരിക്കുന്നത്.

ദൈവത്തെ വാഴ്ത്തുന്ന ‘ല​ബ്ബൈ​ക്ക​ല്ലാ​ഹു​മ്മ ല​ബ്ബൈ​ക്...’ (ദൈവമേ, നിന്‍റെ വിളിക്ക് ഞാന്‍ ഉത്തരം നല്‍കി, നിനക്ക് പങ്കുകാരനില്ല, സ്തുതിയും അനുഗ്രഹവും അധികാരവും നിനക്കും നിന്‍റേതു മാത്രമാണ്. നിനക്ക് പങ്കുകാരനില്ല) എന്ന വാചകം ഉരുവിട്ട് കൊണ്ടാണ് വിശ്വാസികള്‍ അറഫയിലെത്തുന്നത്. തീ​ർ​ഥാ​ട​ക​ർ സൂര്യാ​സ്​​ത​മ​യം​വ​രെ ഖു​ർ​ആ​ൻ പാ​രാ​യ​ണ​ത്തി​ലും പ്രാ​ർ​ഥ​ന​ക​ളി​ലും മു​ഴു​കി അറഫയില്‍ ക​ഴി​യും. പിന്നീട്​ മു​സ്​​ദ​ലി​ഫ​യി​ലേ​ക്ക്​ നീ​ങ്ങും. അ​വി​ടെ രാപാ​ർ​ത്ത​ശേ​ഷം വീ​ണ്ടും മി​നാ​യി​ൽ തി​രി​ച്ചെ​ത്തും.​

തീ​ർ​ഥാ​ട​ക​ർ പ്രാ​ർ​ഥ​ന​യി​ൽ മു​ഴു​കു​ന്ന അ​റ​ഫ​യി​ലെ ന​മി​റ പ​ള്ളി​യി​ൽ ഓരോ തീ​ർ​ഥാ​ട​ക​നും ര​ണ്ടു​ മീ​റ്റ​ർ അ​ക​ലം പാ​ലി​ച്ചാ​ണ് ​ഇ​രി​പ്പി​ടം. പു​റ​ത്ത്​ ത​മ്പു​ക​ളി​ൽ സാ​മൂ​ഹി​ക അ​ക​ലം പാ​ലി​ച്ചാ​ണ്​ താ​മ​സ സൗ​ക​ര്യ​വും. അ​റ​ഫ പ്ര​സം​ഗ​ത്തി​നും ന​മ​സ്​​കാ​ര​ത്തി​നും സൗദിയിലെ മു​തി​ർ​ന്ന പ​ണ്ഡി​ത സ​ഭാം​ഗ​വും റോ​യ​ൽ കോ​ർ​ട്ട്​ ഉ​പ​ദേ​ഷ്​​ടാ​വു​മാ​യ ശൈ​ഖ്​ അ​ബ്​​ദു​ല്ല ബി​ൻ സു​ലൈ​മാ​ൻ അ​ൽ​മ​നീ​അ് നേ​തൃ​ത്വം ന​ൽ​കും. 10​ ലോ​ക ഭാ​ഷ​ക​ളി​ലേ​ക്ക്​​ ഇ​ത്ത​വ​ണ പ്ര​സം​ഗം വിവർ​ത്ത​നം ചെ​യ്യും.

ജം​റ​ക​ളി​ലെ​റി​യാ​നു​ള്ള ക​ല്ലു​ക​ൾ മു​സ്​​ദ​ലി​ഫ​യി​ൽ നി​ന്നാ​ണ്​ തീ​ർ​ഥാ​ട​ക​ർ മു​മ്പ്​ ശേ​ഖ​രി​ച്ചിരുന്നത്. ഇ​ത്ത​വ​ണ ഹ​ജ്ജി​ന്​ പു​റ​പ്പെ​ടു​ന്ന​തി​നു​​മു​മ്പു​​ത​ന്നെ അ​ധി​കൃ​ത​ർ അ​ണു​മു​ക്ത​മാ​ക്കി പാ​ക്ക​റ്റു​ക​ളി​ൽ ന​ൽ​കി​. ജം​റ​യി​ലെ കല്ലേറിനു​​ശേ​ഷം ബ​ലി​യ​റു​ക്ക​ലും ത​ല​മു​ണ്ഡ​ന​വും ത്വ​വാ​ഫ്​ ഇ​ഫാ​ദ​യും (വിടവാങ്ങലിന്‍റെ ഭാഗമായി കഅ്ബയെ വലയം ചെയ്യല്‍) പോ​ലു​ള്ള ക​ർ​മ​ങ്ങ​ൾ പൂ​ർ​ത്തി​യാ​ക്കും.

കഅ്ബയുടെ മൂടുപടമായ കിസ്‌വ മാറ്റൽ ചടങ്ങ് ബുധനാഴ്ച നടന്നു. മക്കയിലെ കിങ് അബ്ദുല്‍ അസീസ് ഫാക്ടറിയിൽ 200ഓളം തൊഴിലാളികൾ ഒൻപത് മാസം കൊണ്ടാണ് പുതിയ കിസ്‌വ നിർമിച്ചത്. 120 കിലോഗ്രാം സ്വർണവും 100 കിലോഗ്രാം വെള്ളിയും 670 കിലോഗ്രാം ശുദ്ധമായ പട്ടും ഉപയോഗിച്ചാണ് കിസ് വ നിർമിച്ചിരിക്കുന്നത്.

തീര്‍ഥാടകരില്‍ 70 ശതമാനം പേര്‍ സ്വദേശികളാണ്. 30 ശതമാനം പേര്‍ 160 രാജ്യങ്ങളില്‍ നിന്നും സൗദിയിലെത്തി തങ്ങുന്നവരാണ്. മലയാളികള്‍ ഉള്‍പ്പെട്ട 30 ഇന്ത്യക്കാര്‍ക്ക് മാത്രമാണ് ഇത്തവണത്തെ ഹജ്ജിന് അവസരം ലഭിച്ചത്. കൊവിഡ് പ്രതിരോധത്തില്‍ പങ്കുവഹിച്ച ആരോഗ്യപ്രവര്‍ത്തകരും സുരക്ഷാ ജീവനക്കാരുമാണ് ഹജ്ജില്‍ പങ്കെടുക്കുന്നവരില്‍ ഭൂരിഭാഗവും. പ്രവാചകന്‍ ഇബ്രാഹിമിന്‍റെയും പത്‌നി ഹാജറ ബീവിയുടെയും മകന്‍ ഇസ്മാഈല്‍ നബിയുടെയും ഓര്‍മകള്‍ അയവിറക്കിയാണ് വിശ്വാസികള്‍ ഹജ്ജ് കര്‍മങ്ങളില്‍ മുഴുകുന്നത്.