ഗസ: കിഴക്കൻ ഗസ മുനമ്പിനും ഇസ്രയേലിനും ഇടയിലുള്ള അതിർത്തിയിൽ ഇസ്രയേൽ സൈനികരുമായി ഉണ്ടായ ഏറ്റുമുട്ടലിൽ നിരവധി പലസ്‌തീനികൾക്ക് പരിക്കേറ്റുവെന്ന് പലസ്‌തീൻ ഡോക്ടർമാർ. 15 കുട്ടികളുൾപ്പെടെ 41 പലസ്‌തീനിയൻ പ്രക്ഷോഭകർക്ക് ഇസ്രയേൽ സൈകനികരുടെ വെടിയേറ്റുവെന്നും രണ്ട് പേരുടെ നില ഗുരുതരമാണെന്നും ഗസ നഗരത്തിലെ ഷിഫ ആശുപത്രി ഡയറക്ടർ മുഹമ്മദ് അബു സിൽമിയ പറഞ്ഞു.
അതിർത്തിയിൽ എത്തിയ 100ഓളം പലസ്‌തീനികൾ സൈനികർക്ക് നേരെ ഗ്രനേഡുകൾ എറിഞ്ഞുവെന്നും പ്രതിഷേധക്കാരെ പിരിച്ചുവിടാൻ ആണ് വെടിയുതിർത്തത് എന്നുമാണ് ഇസ്രയേലിന്‍റെ വാദം. പലസ്‌തീൻ പ്രതിഷേധക്കാർ അതിർത്തിയിലെ മുള്ളുവേലിയുടെ കമ്പികൾ മുറിച്ചതായും ഇസ്രയേൽ മാധ്യമങ്ങൾ പറയുന്നു.