യെമനിൽ സൈനിക താവളത്തിന് നേരെ മിസൈൽ ആക്രമണം; മരണം 80 ആയി

ആക്രമണത്തിന് പിന്നില്‍ ഹൂതി വിമതരാണെന്ന് യെമന്‍ പ്രസിഡന്‍റ് അബ്‌ദുറബു മൻസൂർ

സനാ:യെമനില്‍ സൈനിക താവളത്തിന് നേരെയുണ്ടായ മിസൈൽ ആക്രമണത്തിൽ മരിച്ചവരുടെ എണ്ണം 80 ആയി. യെമനിലെ വടക്കുകിഴക്കൻ പ്രവിശ്യയായ മാരിബിലെ സൈനികപരിശീലന കേന്ദ്രത്തിൽ ശനിയാഴ്‌ചയായിരുന്നു മിസൈല്‍ ആക്രമണം. ആക്രമണത്തില്‍ 150ഓളം യെമിനി സൈനികര്‍ക്ക് പരിക്കേറ്റു. ആക്രമണത്തിന്‍റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല. എന്നാല്‍ ആക്രമണത്തിന് പിന്നില്‍ ഹൂതി വിമതരാണെന്ന് യെമന്‍ പ്രസിഡന്‍റ് അബ്ദുറബു മൻസൂർ പറഞ്ഞു. സൈനികത്താവളത്തിലെ പള്ളിയായ അൽ എസ്‌തിക്ബാൽ ലക്ഷ്യമിട്ടായിരുന്നു ആക്രമണം.