ദുബായ് : താലിബാൻ മുന്നേറ്റത്തിന്‍റെ പശ്ചാത്തലത്തിൽ കാബൂളിൽ നിന്ന് പലായനം ചെയ്‌തതിന് പിന്നാലെ പ്രതികരണവുമായി അഫ്‌ഗാൻ പ്രസിഡന്‍റ് അഷ്റഫ് ഗനി. താൻ രജ്യം വിട്ടത് രക്തച്ചൊരിച്ചിൽ ഒഴിവാക്കാനാണെന്ന് ഫേസ്‌ബുക്കില്‍ പങ്കുവച്ച വീഡിയോയിലൂടെ അദ്ദേഹം അറിയിച്ചു.
സംസ്ഥാനത്ത് നിന്ന് ദശലക്ഷക്കണക്കിന് ഡോളർ തട്ടിയെടുത്ത് കടന്നുവെന്ന ആരോപണം അദ്ദേഹം നിഷേധിക്കുകയും ചെയ്‌തു. ഇപ്പോള്‍ യുഎഇയില്‍ ആണെന്ന് സ്ഥിരീകരിച്ചുകൊണ്ട് ബുധനാഴ്‌ചയാണ് അദ്ദേഹം വീഡിയോ സാമൂഹ്യമാധ്യമങ്ങളിൽ പങ്കുവച്ചത്.