അമേരിക്ക അടുത്ത ആഘാതമേഖല; മുന്നറിയിപ്പുമായി ലോകാരോഗ്യ സംഘടന

ചൈനയ്ക്കും ഇറ്റലിക്കും ശേഷം ഏറ്റവും കൂടുതല്‍ രോഗബാധിതരുള്ളത്‌​ അമേരിക്കയിലാണ്.

ജെനീവ​:കൊറോണ വൈറസി​​ന്‍റെ അടുത്ത ആഘാത മേഖലയായി യു.എസ്​ മാറിയേക്കാമെന്ന്​ ലോകാരോഗ്യ സംഘടനയുടെ മുന്നറിയിപ്പ്​. അമേരിക്കയില്‍ ഇതുവ​രെ 775 പേരാണ് കൊവിഡ് ബാധിച്ച് മരിച്ചത്. ചൈനയ്ക്കും ഇറ്റലിക്കും ശേഷം ഏറ്റവും കൂടുതല്‍ രോഗബാധിതരുള്ളതും​ അമേരിക്കയിലാണ്​. യുഎസിൽ നിലവിൽ 54,867 പേർക്കാണ്​ രോഗം സ്ഥിരീകരിച്ചിട്ടുള്ളത്​. കൊവിഡ് പശ്ചാത്തലത്തിൽ അമേരിക്കയില്‍ കൂടുതല്‍ സംസ്ഥാനങ്ങള്‍ രണ്ടാഴ്ചത്തേക്ക് അടച്ചു. കഴിഞ്ഞ 24 മണിക്കൂറിനുള്ളിൽ, പുതിയ കേസുകളിൽ 85 ശതമാനവും റിപ്പോർട്ട്​ ​ചെയ്​തത്​ യൂറോപ്പിലും അമേരിക്കയിലുമാണ്. ഇതിൽ 40 ശതമാനവും അമേരിക്കയിലാണ്. ഇത്​ അമേരിക്കയുടെ സാമ്പത്തിക രംഗത്തെയും ബാധിക്കുമെന്നാണ്​ റിപ്പോർട്ട്​.