കീവ്: യുക്രൈൻ അധിനിവേശത്തിൽ കൂടുതൽ നാശനഷ്‌ടമുണ്ടാകാതിരിക്കാൻ സമാധാന ചർച്ചകൾ മോസ്‌കോ ഗൗരവമായി കാണേണ്ട സമയമായി എന്ന് യുക്രൈൻ പ്രസിഡന്‍റ് വ്ലാഡിമിർ സെലെൻസ്‌കി. റഷ്യയുമായുള്ള സമഗ്രമായ ചർച്ചകൾക്ക് ആഹ്വാനം ചെയ്‌ത സെലെൻസ്‌കി, റഷ്യ ഇനിയും ചർച്ചകളെ ഗൗരവമായി കണ്ടില്ലെങ്കിൽ യുദ്ധസമയത്ത് റഷ്യക്ക് ഉണ്ടായ നാശനഷ്‌ടങ്ങളിൽ നിന്ന് കരകയറാൻ തലമുറകൾ വേണ്ടിവരുമെന്ന് പറഞ്ഞു.
യുക്രൈൻ എപ്പോഴും സമാധാനത്തിനുള്ള നിർദേശങ്ങൾ മുന്നോട്ട് വച്ചിട്ടുണ്ടെന്നും സമാധാനവും സുരക്ഷയും സംബന്ധിച്ച അർഥവത്തായ ചർച്ചകൾക്ക് കാലതാമസം ഉണ്ടാകരുതെന്നും സെലെൻസ്‌കി പറഞ്ഞു.