യുക്രൈൻ - റഷ്യ ആദ്യ ഘട്ട ചർച്ച അവസാനിച്ചു; രണ്ടാംഘട്ടം വരും ദിവസങ്ങളില്‍

മണിക്കൂറുകളോളം നീണ്ടുനിന്ന ആദ്യ ഘട്ട ചർച്ച രണ്ട് തവണ നിർത്തിവച്ചിരുന്നു

മിൻസ്ക്: ബെലാറസിൽ നടന്ന റഷ്യ - യുക്രൈൻ ആദ്യഘട്ട ചർച്ച അവസാനിച്ചു. ചർച്ചകളുടെ തീരുമാനം അധികൃതർ പുറത്തുവിട്ടില്ല. മണിക്കൂറുകളോളം നീണ്ടുനിന്ന ചർച്ച രണ്ട് തവണ നിർത്തി വച്ചിരുന്നു.

ആദ്യഘട്ട ചർച്ച അവസാനിക്കുമ്പോൾ സമാധാന ചർച്ച തുടരാനുള്ള ധാരണയിലാണ് ഇരു രാജ്യങ്ങളുടെയും പ്രതിനിധികൾ പിരിഞ്ഞത്. രണ്ടാം ഘട്ട ചർച്ച വരും ദിവസങ്ങളിൽ നടക്കുമെന്നാണ് സൂചന. രണ്ടാം ഘട്ട ചർച്ച പോളണ്ട്- ബെലാറസ് അതിർത്തിയിൽ നടക്കുമെന്ന് റഷ്യൻ പ്രതിനിധികൾ അറിയിച്ചു.

റഷ്യ - യുക്രൈൻ യുദ്ധത്തിന്‍റെ പശ്ചാത്തലത്തിലാണ് സമാധാന ചര്‍ച്ച ഇരു രാജ്യങ്ങളുടെയും അയല്‍ രാജ്യമായ ബെലാറസില്‍ നടന്നത്.