താത്കാലിക വെടി നിര്‍ത്തല്‍ 'വൻ യുദ്ധത്തിനോ?' റഷ്യയിലേക്ക് കണ്ണുംനട്ട് ലോകരാജ്യങ്ങള്‍

21:02 March 05

യുക്രൈന്‍-റഷ്യ യുദ്ധം ; ഇതുവരെ 350 സാധാരണക്കാര്‍ കൊല്ലപ്പെട്ടുവെന്ന് യുഎന്‍

• റഷ്യയുടെ ആക്രമണത്തില്‍ ഇതുവരെ 350-ലധികം സാധാരണക്കാര്‍ യുക്രൈനില്‍ കൊല്ലപ്പെട്ടതായി യുഎന്‍.

20:48 March 05

മാള്‍ഡോവയില്‍ പട്ടാളനിയമം ഏര്‍പ്പെടുത്തുമെന്ന് സൂചന

• റഷ്യയുടെ ഭീഷണി നിലനില്‍ക്കുന്ന സാഹചര്യത്തില്‍ മാര്‍ച്ച്‌ ഒന്‍പത് മുതല്‍ മാള്‍ഡോവയില്‍ പട്ടാളനിയമം ഏര്‍പ്പെടുത്തിയേക്കുമെന്ന് സൂചന

20:30 March 05

പാശ്ചാത്യ രാജ്യങ്ങളുടെ ഉപരോധം യുദ്ധസമാനമെന്ന് പുടിന്‍

• പാശ്ചാത്യ രാജ്യങ്ങള്‍ റഷ്യയ്‌ക്ക് മേല്‍ ഏര്‍പ്പെടുത്തിയ ഉപരോധങ്ങള്‍ യുദ്ധ സമാനമെന്ന് പുടിന്‍

20:05 March 05

ഇന്ത്യക്കാരെ ഒഴിപ്പിക്കുന്നതിന് റഷ്യയുടെ പ്രത്യേക സംഘം

• യുക്രൈനിലെ സംഘര്‍ഷ മേഖലയില്‍ നിന്നും ഇന്ത്യക്കാരെ ഒഴിപ്പിക്കുന്നതിന് റഷ്യയുടെ പ്രത്യേക സംഘം സജ്ജമെന്ന് റഷ്യന്‍ അംബാസിഡര്‍ ഡെനീസ്‌ അലിപോവ്‌.
• ഇന്ത്യക്കാരെ ഒഴിപ്പിക്കാന്‍ 100 ബസുകള്‍ റഷ്യ അയച്ചിട്ടുണ്ട്. എന്നാല്‍ ആക്രമണം തുടരുന്നതിനാല്‍ വിദ്യാര്‍ഥികളുടെ അടുത്തേക്ക് എത്താന്‍ സാധിച്ചിട്ടില്ലെന്നും റഷ്യന്‍ അംബാസിഡര്‍.

19:52 March 05

പ്രധാനമന്ത്രിയുടെ നേതൃത്വത്തില്‍ ഉന്നതതല യോഗം ഉടന്‍

• ഇന്ത്യന്‍ രക്ഷാദൗത്യം വിലയിരുത്തുന്നതിന് പ്രധാന മന്ത്രി നരേന്ദ്ര മോദിയുടെ അധ്യക്ഷതയില്‍ ഉന്നതതല യോഗം അല്‍പസമയത്തിനുള്ളില്‍.

19:44 March 05

നോ ഫ്ലൈ സോണ്‍ നടപ്പാക്കിയാല്‍ യുദ്ധ പ്രഖ്യാപനമായി കണക്കാക്കുമെന്ന് റഷ്യ

• യുക്രൈന്‌ മുകളില്‍ നോ ഫ്ലൈ സോണ്‍ പ്രഖ്യാപിക്കുന്നതിനെതിരെ റഷ്യ. നോ ഫ്ലൈ സോണ്‍ നടപ്പാക്കിയാല്‍ യുദ്ധ പ്രഖ്യാപനമായി കണക്കാക്കുമെന്നും റഷ്യ.

19:29 March 05

റഷ്യയില്‍ പട്ടാള നിയമം ഏര്‍പ്പെടുത്താന്‍ പദ്ധതിയില്ലെന്ന് വ്‌ളാദ്‌മിര്‍ പുടിന്‍

• നിലവില്‍ റഷ്യയില്‍ പട്ടാള നിയമം ഏര്‍പ്പെടുത്തേണ്ട സാഹചര്യമില്ല, അതിനാല്‍ അത്തരത്തിലൊരു പദ്ധതിയില്ലെന്നും റഷ്യന്‍ പ്രസിഡന്‍റ് വ്‌ളാദ്‌മിര്‍ പുടിന്‍.

19:05 March 05

ഓപ്പറേഷന്‍ ഗംഗ; ഇന്ത്യക്കാരെ തിരിച്ചെത്തിക്കുന്നതിന് 13 വിമാനങ്ങള്‍ കൂടി

• 24 മണിക്കൂറില്‍ 2,900 ഇന്ത്യക്കാരുമായി 15 വിമാനങ്ങള്‍ തിരിച്ചെത്തി. ഇതുവരെ 13,300 ഇന്ത്യക്കാര്‍ നാട്ടിലെത്തി. അടുത്ത 24 മണിക്കൂറില്‍ 13 വിമാനങ്ങള്‍ രക്ഷാദൗത്യത്തിന് പുറപ്പെടും.

18:53 March 05

സുമിയില്‍ കുടുങ്ങിയ ഇന്ത്യക്കാരെ ഒഴിപ്പിക്കാന്‍ ശ്രമം തുടരുന്നു

• അടുത്ത കുറച്ച് മണിക്കൂറുകള്‍ക്കുള്ളില്‍ ഖാര്‍കീവ്‌, പിസോചിന്‍ ഭാഗത്ത് നിന്നും മുഴുവന്‍ ഇന്ത്യക്കാരെയും ഒഴിപ്പിക്കുമെന്ന് വിദേശകാര്യ വക്‌താവ്‌ അരിന്ദം ബാഗ്‌ചി .
• സുമിയില്‍ കുടുങ്ങിയവരെ ഒഴിപ്പിക്കാനാണ് ഇനി ശ്രമം. എന്നാല്‍ സംഘഷമേഖലയില്‍ നിന്നും ഒഴിപ്പിക്കല്‍ നടപടി വെല്ലുവിളിയാണെന്നും വിദേശകാര്യ വക്‌താവ്‌ പറഞ്ഞു.

18:38 March 05

ഇന്ത്യന്‍ രക്ഷാദൗത്യം; പിസോചിനിലേക്ക് മൂന്ന് ബസുകള്‍

• പിസോചിനിലേക്ക് മൂന്ന് ബസുകള്‍ അയച്ചതായി യുക്രൈനിലെ ഇന്ത്യന്‍ എംബസി. രണ്ട് ബസുകള്‍ കൂടി ഉടന്‍ എത്തും. ഇവിടെ നിന്നും ബസില്‍ വിദ്യാര്‍ഥികള്‍ക്ക് യുക്രൈന്‍റെ പടിഞ്ഞാറ്‌ ഭാഗത്തേക്ക് സഞ്ചരിക്കാം.

17:19 March 05

യുക്രൈനിൽ നിന്ന് പലായനം ചെയ്‌തവർ 1.45 ദശലക്ഷം

• യുക്രൈനിൽ റഷ്യൻ അധിനിവേശം ആരംഭിച്ചതിനുശേഷം യുക്രൈനിൽ നിന്ന് പലായനം ചെയ്‌തവരുടെ എണ്ണം 1.45 ദശലക്ഷമായെന്ന് ഇന്‍റർനാഷണൽ ഓർഗനൈസേഷൻ ഫോർ മൈഗ്രേഷൻ അറിയിച്ചു.

17:11 March 05

പലായനം ചെയ്‌തവരോട് മടങ്ങി വരാൻ പറയാൻ ഉടനെ സാധിക്കുമെന്ന് സെലെൻസ്‌കി

• റഷ്യൻ അധിനിവേശം കാരണം പലായനം ചെയ്യപ്പെട്ടവരോട് ഇവിടെ സുരക്ഷിതമാണെന്നും മടങ്ങി വരാനും പറയാൻ ഉടൻ സാധിക്കുമെന്ന് പ്രതീക്ഷിക്കുന്നുവെന്ന് സെലെൻസ്‌കി.

16:36 March 05

റഷ്യൻ സൈന്യം വെടിവയ്പ്പ് തുടരുന്നു; ഒഴിപ്പിക്കൽ റദ്ദാക്കി

• റഷ്യൻ സൈന്യം മരിയുപോളിൽ വെടിനിർത്തൽ അവസാനിപ്പിക്കാത്തതിനാൽ ജനങ്ങളെ ഒഴിപ്പിക്കുന്നത് റദ്ദാക്കിയതായും മറ്റൊരു ദിവസം ഒഴിപ്പിക്കൽ പ്രവർത്തനങ്ങൾ നടക്കുമെന്നും ബെലാറൂസ് മാധ്യമമായ നെക്സ്റ്റ അറിയിച്ചു.

16:18 March 05

പാശ്ചാത്യ രാജ്യങ്ങൾ കൊള്ളക്കാരെ പോലെ പെരുമാറുന്നുവെന്ന് റഷ്യ

• പാശ്ചാത്യ രാജ്യങ്ങൾ കൊള്ളക്കാരെ പോലെയാണ് പെരുമാറുന്നതെന്ന് ക്രെംലിൻ അറിയിച്ചു.

16:05 March 05

റഷ്യയിൽ പ്രവർത്തനം അവസാനിപ്പിച്ച് ഇൻഡിടെക്‌സ്

• സര, ബെർഷ്‌ക, പുൾ & ബിയർ, ഒയ്ഷോ എന്നിവയുടെ റഷ്യയിലെ പ്രവർത്തനം അവസാനിപ്പിച്ച് ഇന്‍ഡിടെക്‌സ്.

15:29 March 05

അടുത്ത രണ്ട് ദിവസങ്ങളിൽ 1050 വിദ്യാർഥികളെ നാട്ടിലെത്തിക്കും

• റൊമാനിയയിൽ നിന്നും മാൾഡോവയിൽ നിന്നും കഴിഞ്ഞ 7 ദിവസത്തിനുള്ളിൽ 29 വിമാനങ്ങളിലായി 6222 ഇന്ത്യക്കാരെ ഒഴിപ്പിച്ചുവെന്ന് ജ്യോതിരാദിത്യ സിന്ധ്യ. അടുത്ത രണ്ട് ദിവസത്തിനുള്ളിൽ 1050 വിദ്യാർഥികളെ നാട്ടിലെത്തിക്കും.

• ഒഴിപ്പിക്കൽ ദൗത്യത്തിനായി അതിർത്തിയിൽ നിന്ന് 50 കിലോമീറ്റർ ദൂരെയുള്ള സുസേവയിൽ വിമാനത്താവളം ലഭിച്ചു.

15:00 March 05

റഷ്യൻ ഡ്രൈവർ നികിത മാസെപിന്നിന്‍റെ കരാർ റദ്ദാക്കി ഹാസ് എഫ് 1 ടീം

• യൂരൽകാലിയുടെ സ്പോൺസർഷിപ്പും നികിത മാസെപിന്നിന്‍റെ ഡ്രൈവർ കരാറും റദ്ദാക്കി ഹാസ് എഫ്1 ടീം.

14:35 March 05

റഷ്യയിൽ സേവനങ്ങൾ താത്‌കാലികമായി നിർത്തി പേപാൽ

• റഷ്യയിലെ പ്രവർത്തനങ്ങൾ താത്‌കാലികമായി നിർത്തുന്നവരിൽ പേപാലും. നേരത്തെ സാംസങ്, ആപ്പിൾ, മൈക്രോസോഫ്‌റ്റ് തുടങ്ങിയ ടെക് ഭീമന്മാർ റഷ്യയിലേക്കുള്ള കയറ്റുമതി താത്‌കാലികമായി നിർത്തിയിരുന്നു.

14:23 March 05

66,224 യുക്രൈൻ പുരുഷന്മാർ മടങ്ങിയെത്തി

• റഷ്യക്കെതിരെ പോരാടാൻ 66,224 യുക്രൈൻ പുരുഷന്മാർ വിദേശത്തുനിന്ന് മടങ്ങിയെത്തിയെന്ന് യുക്രൈൻ പ്രതിരോധ മന്ത്രി ഒലെക്‌സി റെസ്‌നിക്കോവ്.

14:09 March 05

പിസോചിനിലെ വിദ്യാർഥികളെ ഒഴിപ്പിക്കും; ബസ് പുറപ്പെട്ടു

• പിസോചിനിലെ 298 വിദ്യാർഥികളെ ഒഴിപ്പിക്കാനായി ബസ് പുറപ്പെട്ടുവെന്ന് യുക്രൈനിലെ ഇന്ത്യൻ എംബസി.മലയാളി വിദ്യാർഥികൾ ഏറെയുള്ള സ്ഥലമാണ് ഖാർകീവിലെ പീസോചിൻ. ഇവരെ പോളണ്ട് അതിർത്തിയിലെത്തിക്കും.

13:13 March 05

യുക്രൈനിൽ വെടിനിർത്തൽ നിലവിൽ വന്നു

• യുക്രൈനിലെ മരിയുപോളിലും വൊൾനോവാഹയിലും വെടിനിർത്തൽ ആരംഭിച്ചു. ജനങ്ങളെ ഒഴിപ്പിക്കുന്നതിനായി മാനുഷിക ഇടനാഴികൾ സ്ഥാപിക്കുന്നതിനാണ് വെടിനിർത്തൽ നിലവിൽ വന്നത്. യുക്രൈനിൽ കുടുങ്ങിയ ജനങ്ങൾക്ക് ഇടനാഴികൾ വഴി ഭക്ഷണവും മരുന്നും എത്തിക്കും.

13:05 March 05

റഷ്യയിലേക്കുള്ള കയറ്റുമതി താത്‌കാലികമായി നിർത്തി സാംസങ്

• റഷ്യയിലേക്കുള്ള കയറ്റുമതി താത്‌കാലികമായി നിർത്തി സാംസങ്. ആപ്പിളിന്‍റെയും മൈക്രോസോഫ്‌റ്റിന്‍റെയും നടപടിക്ക് പിന്നാലെയാണ് സാംസങ്ങും റഷ്യയിലേക്കുള്ള ഉത്‌പന്നങ്ങളുടെ കയറ്റുമതി താത്‌കാലികമായി നിർത്തിയത്.

12:14 March 05

താത്‌കാലിക വെടിനിർത്തലിന് റഷ്യ

• രക്ഷാപ്രവർത്തനത്തിനായി താത്കാലിക വെടിനിർത്തലിന് റഷ്യ. ഒഴിപ്പിക്കാൻ ഇടനാഴികൾ തയാറാക്കും. ഇന്ത്യൻ സമയം ഉച്ചക്ക് 12.50ന് വെടിനിർത്തൽ നിലവിൽ വരും. മരിയുപോൾ, വൊൾനോവാഹ വഴി രക്ഷാപ്രവർത്തനം.

12:10 March 05

ഓപ്പറേഷൻ ഗംഗ; ഇന്നെത്തുന്നത് 16 വിമാനങ്ങൾ

• യുക്രൈനിൽ കുടുങ്ങിക്കിടക്കുന്ന ഇന്ത്യക്കാരുമായി 16 വിമാനങ്ങൾ ഇന്ന് ഇന്ത്യയിലെത്തും. വ്യോമസേനയുടെ സി-17 വിമാനങ്ങൾ ഉൾപ്പെടെ രക്ഷാദൗത്യത്തിൽ.

12:05 March 05

വിദേശ മെഡിക്കൽ ബിരുദധാരികൾക്ക് ഇന്‍റേൺഷിപ്പ് ഇന്ത്യയിൽ ചെയ്യാം

• യുക്രൈൻ രക്ഷാദൗത്യം തുടരുന്നതിനാൽ വിദേശ മെഡിക്കൽ ബിരുദധാരികൾക്ക് ഇന്‍റേൺഷിപ്പ് ഇന്ത്യയിൽ ചെയ്യാമെന്ന് നാഷണൽ മെഡിക്കൽ കമ്മിഷൻ അറിയിച്ചു.

11:57 March 05

ചെർണിഹീവിൽ വ്യോമാക്രമണ മുന്നറിയിപ്പ്

• ചെർണിഹീവിൽ വ്യോമാക്രമണ ഭീഷണി നിലനിൽക്കുന്നതിനാൽ സുരക്ഷാകേന്ദ്രങ്ങളിലേക്ക് മാറണമെന്ന് നിർദേശം.

11:49 March 05

സാധാരണക്കാരുടെ കാറിന് നേരെ വെടിയുതിർത്ത് റഷ്യൻ സൈന്യം

• ബുച്ചയിൽ സാധാരണക്കാരുടെ കാറിന് നേരെ റഷ്യൻ സൈന്യം വെടിയുതിർത്തു. 17കാരി ഉൾപ്പെടെ രണ്ട് മരണം. നാല് പേർക്ക് പരിക്ക്.

11:34 March 05

നാറ്റോക്കെതിരെ സെലെൻസ്‌കി

• നോ ഫ്ലൈ സോൺ നിരസിച്ചതിൽ നാറ്റോയ്‌ക്കെതിരെ യുക്രൈൻ പ്രസിഡന്‍റ് വ്ലാഡിമിർ സെലെൻസ്‌കി.

11:29 March 05

യുക്രൈനിൽ നിന്ന് വിദേശികളെ ഒഴിപ്പിക്കാൻ തയാറെന്ന് റഷ്യ

• യുക്രൈനിലെ ഇന്ത്യൻ വിദ്യാർഥികൾ ഉൾപ്പെടെയുള്ള വിദേശികളെ ഒഴിപ്പിക്കാൻ തയാറെന്ന് യുഎൻ രക്ഷാസമിതിയിൽ റഷ്യൻ പ്രതിനിധി.

11:25 March 05

പ്രത്യാക്രമണം നടത്തി യുക്രൈൻ സൈന്യം

• യുക്രൈൻ സൈന്യം റഷ്യൻ സൈന്യത്തിനെതിരെ ചിലയിടങ്ങളിൽ പ്രത്യാക്രമണം നടത്തുന്നു.

11:15 March 05

കീവിലും സുമി ഒബ്ലാസ്റ്റിലും വ്യോമാക്രമണ മുന്നറിയിപ്പ്

• കീവിലും സുമി ഒബ്ലാസ്റ്റിലെ ലെബെഡിനിലും വ്യോമാക്രമണ മുന്നറിയിപ്പ് നിലനിൽക്കുന്ന പശ്ചാത്തലത്തിൽ നഗരത്തിലുള്ളവർ അടുത്തുള്ള അഭയ കേന്ദ്രങ്ങളിലേക്ക് മാറണമെന്ന് നിർദേശം.

10:59 March 05

റഷ്യക്കെതിരെ മാധ്യമ ലോകം

• യുക്രൈനിൽ റഷ്യൻ അധിനിവേശം തുടരുന്നു. യുക്രൈന് ലോകമെമ്പാടു നിന്നും പിന്തുണ വർധിക്കുന്നു. ബിബിസി, സിഎന്‍എന്‍, ബ്ലൂംബര്‍ഗ് തുങ്ങിയ അന്താരാഷ്ട്ര വാര്‍ത്തചാനലുകള്‍ റഷ്യയിലെ പ്രവര്‍ത്തനങ്ങള്‍ അവസാനിപ്പിച്ചു. യുക്രൈന് ഐക്യദാർഢ്യം പ്രഖ്യാപിച്ച് എലോൺ മസ്‌ക് രംഗത്തെത്തി.

കഴിഞ്ഞ മണിക്കൂറില്‍ നടന്നത്