മോസ്കോ: ഒഴിപ്പിക്കലിനായി കീവ് ഉള്‍പ്പടെയുള്ള പ്രധാന നഗരങ്ങളിൽ വീണ്ടും താത്കാലിക വെടിനിർത്തൽ പ്രഖ്യാപിച്ച് റഷ്യ. കീവ്, ചെർണിഹിവ്, സുമി, ഖാർകിവ്, മരിയുപോൾ, സപ്പോരിജിയ എന്നിവടങ്ങളിലാണ് വെടിനിർത്തൽ. കുടങ്ങി കിടക്കുന്നവരെ രക്ഷിക്കാൻ മാനുഷിക ഇടനാഴികള്‍ തുറക്കുന്നതിന് തയ്യാറാണെന്നും റഷ്യ അറിയിച്ചു.
ഇന്ത്യൻ സമയം ഉച്ചയ്ക്ക് 12.30 മുതലാണ് വെടിനിർത്തൽ നടപ്പക്കാകുക. അതേസമയം വെടിനിർത്തൽ പ്രഖ്യാപിച്ചിരുന്നെങ്കിലും റഷ്യ ഇന്നലെയും ആക്രമണം തുടർന്നതായാണ് റിപ്പോർട്ടുകള്‍. സ്ഫോടനം ഉണ്ടായതിനെ തുടർന്ന് സുമിയിൽ നിന്നുള്ള രക്ഷാദൗത്യം ഇന്നലെ ഇന്ത്യ താത്കാലികമായി നിർത്തിവച്ചിരുന്നു.