ലണ്ടൻ: നൊബേൽ പുരസ്‌കാര ജേതാവും പാകിസ്ഥാൻ സാമൂഹ്യ പ്രവർത്തകയുമായ (Activist and Nobel laureate) മലാല യൂസഫ്‌ സായി (Malala Yousafzai) വിവാഹിതയായി(Announce Wedding In UK). പാകിസ്ഥാൻ ക്രിക്കറ്റ് ബോര്‍ഡിന്‍റെ ഹൈ പെര്‍ഫോമന്‍സ് സെന്‍റര്‍ ജനറല്‍ മാനേജര്‍ അസര്‍ മാലികാണ് വരന്‍. ട്വിറ്ററിലൂടെയാണ് മലാല തന്‍റെ വിവാഹം ലോകത്തെ അറിയിച്ചത്.
'എന്‍റെ ജീവിതത്തിലെ സുപ്രധാന ദിവസമാണ് ഇന്ന്. അസറും താനും ജീവിതത്തിൽ പങ്കാളികളാകാൻ പോകുന്നു. ബിർമിൻഹാമിൽ നടന്ന സ്വകാര്യ ചടങ്ങിൽ നിക്കാഹ് നടന്നു. നിങ്ങളുടെ പ്രാർഥനകൾ ഒപ്പം വേണം.' മലാല ട്വിറ്ററിൽ കുറിച്ചു.