ന്യൂഡൽഹി : താമസം അനിവാര്യമല്ലെങ്കിൽ താൽക്കാലികമായി രാജ്യം വിടണമെന്ന് ഇന്ത്യന്‍ പൗരന്മാര്‍ക്ക് ഉക്രെയ്‌നിലെ ഇന്ത്യൻ എംബസിയുടെ നിര്‍ദേശം. യുക്രൈൻ പ്രതിസന്ധിയെച്ചൊല്ലി നാറ്റോ രാജ്യങ്ങളും റഷ്യയും തമ്മിലുള്ള സംഘർഷം വർദ്ധിച്ചതിന്‍റെ പശ്ചാത്തലത്തിലാണ് നിര്‍ദേശം.
''യുക്രൈനില്‍ സംഘര്‍ഷ സാഹചര്യവും അനിശ്ചിതത്വവും തുടരുന്നതിനാൽ, താമസം അനിവാര്യമല്ലെന്ന് കരുതുന്ന എല്ലാ ഇന്ത്യൻ പൗരന്മാരോടും, എല്ലാ ഇന്ത്യൻ വിദ്യാർഥികളോടും താൽക്കാലികമായി യുക്രൈൻ വിടാൻ നിർദേശിക്കുന്നു. യുക്രൈനില്‍ നിന്ന് 'ക്രമവും കൃത്യസമയത്തും പുറപ്പെടുന്നതിന്' ലഭ്യമായ വാണിജ്യ വിമാനങ്ങളും ചാർട്ടർ വിമാനങ്ങളും യാത്രയ്‌ക്കായി ഉപയോഗിക്കാമെന്നു'മാണ് എംബസി അറിയിച്ചിരിക്കുന്നത്.