ചൈനയിലേക്ക് ലോകാരോഗ്യസംഘടനയുടെ വിദഗ്‌ധ സംഘം
കൊറോണ വൈറസ് ബാധയെ തുടര്‍ന്ന് 89 മരണങ്ങളാണ് ഞായറാഴ്‌ച മാത്രം ചൈനയില്‍ റിപ്പോര്‍ട്ട് ചെയ്‌തിരിക്കുന്നത്
ചൈനയിലേക്ക് ലോകാരോഗ്യ സംഘടനയുടെ വിദഗ്‌ധ സംഘം
ബെയ്‌ജിങ്: കൊറോണ വൈറസ് ബാധിത രാജ്യമായ ചൈനയിലേക്ക് പോകാന്‍ ലോകാരോഗ്യ സംഘടനയുടെ വിദഗ്‌ധ സംഘം തയ്യാറെടുക്കുന്നു. ലോകാരോഗ്യസംഘടനയുടെ കൊറോണ വൈറസിനെതിരെയുള്ള ദൗത്യത്തിന് ചൈന അംഗീകാരം നല്‍കിയതായി റിപ്പോര്‍ട്ടുകളുണ്ട്. ചൈനയിലേക്കുള്ള ദൗത്യത്തിന്‍റെ ടീം ലീഡര്‍ നാളെ പുറപ്പെടുമെന്ന് ലോകാരോഗ്യസംഘടനയുടെ ഡയറക്‌ടർ ജനറൽ ടെഡ്രോസ് അദാനോം ഗെബ്രിയേസസ് അറിയിച്ചു. എന്നാല്‍ ടീം ലീഡറിന്‍റെയും മറ്റംഗങ്ങളുടെയും പേരുവിവരങ്ങൾ പുറത്തുവിടാന്‍ അദ്ദേഹം തയ്യാറായില്ല. കൊറോണ വൈറസ് ബാധയെ തുടര്‍ന്ന് 89 മരണങ്ങളാണ് ഞായറാഴ്‌ച മാത്രം റിപ്പോര്‍ട്ട് ചെയ്‌തിരിക്കുന്നത്. ഇതില്‍ 81 പേർ ഹുബെ പ്രവിശ്യയിൽ നിന്നുള്ളവരാണ്.