കൊവിഡ് 19 വായുവിലൂടെ പകരില്ലെന്ന് ലോകാരോഗ്യ സംഘടന

രോഗം ബാധിച്ച വ്യക്തിക്ക് ചുറ്റുമുള്ള അന്തരീക്ഷത്തിലോ വസ്തുക്കളിലോ സ്പര്‍ശിക്കുന്നതിലൂടെയും പ്രക്ഷേപണം സംഭവിക്കാമെന്ന് ലോകാരോഗ്യ സംഘടന വ്യക്തമാക്കി ചൈന ഡെയിലി റിപ്പോര്‍ട്ട് ചെയ്തു

ബീജിംഗ്:കൊവിഡ് 19 വായുവിലൂടെ പകരില്ലെന്ന് ലോകാരോഗ്യ സംഘടന. അടുത്ത സമ്പര്‍ക്കത്തിലൂടെയും മൂക്കിൽ നിന്നും വരുന്ന സ്രവത്തിലൂടെയും മാത്രമാണ് ഇവ മറ്റൊരാളിലെക്ക് എത്തുക. ചുമ അല്ലെങ്കിൽ തുമ്മൽ പോലുള്ള ശ്വാസകോശ രോഗ ലക്ഷണങ്ങളുള്ള ഒരു വ്യക്തിയുമായി നിങ്ങൾക്ക് (ഒരു മീറ്ററിനുള്ളിൽ) അടുത്ത സമ്പർക്കം ഉണ്ടാകുമ്പോഴാണ് ഡ്രോപ്പ് ട്രാൻസ്‌മിഷന്‍ സംഭവിക്കുന്നത്. ഇത് 5-10 മൈക്രോൺ വലുപ്പത്തിലുള്ള രോഗാണുവിനെ നിങ്ങളുടെ ശരീരത്തിലേക്ക് വ്യാപിപ്പിക്കാം. രോഗം ബാധിച്ച വ്യക്തിക്ക് ചുറ്റുമുള്ള അന്തരീക്ഷത്തിലോ വസ്തുക്കളിലോ സ്പർശിക്കുന്നതിലൂടെയും പ്രക്ഷേപണം സംഭവിക്കാമെന്ന് ലോകാരോഗ്യ സംഘടന പറഞ്ഞതയി ചൈന ഡെയ്‌ലി റിപ്പോര്‍ട്ട് ചെയ്തു.