ഇറാൻ അതിർത്തിയിൽ അമേരിക്കയുടെ എഫ് -35 ജെറ്റുകളുണ്ടെന്ന് റഷ്യൻ വിദേശകാര്യ മന്ത്രി

വിവരം സ്ഥിരീകരിക്കേണ്ടതുണ്ടെന്നും ഇറാൻ അമേരിക്കൻ ആക്രമണം പ്രതീക്ഷിക്കുന്നുണ്ടെന്നും റഷ്യൻ വിദേശകാര്യ മന്ത്രി സെർജി ലാവ്‌റോവ് പറഞ്ഞു

മോസ്കോ: ഇറാനിയൻ അതിർത്തിയിൽ ആറ് അമേരിക്കൻ എഫ് -35 ജെറ്റുകളുണ്ടെന്ന് റഷ്യൻ വിദേശകാര്യ മന്ത്രി സെർജി ലാവ്‌റോവ്. ഈ വിവരം സ്ഥിരീകരിക്കേണ്ടതുണ്ടെന്നും ഇറാൻ അമേരിക്കയുടെ ആക്രമണം പ്രതീക്ഷിക്കുന്നുണ്ടെന്നും അത് എങ്ങനെയാകുമെന്ന് അവർക്ക് വ്യക്തതയില്ലെന്നും സെർജി ലാവ്‌റോവ് പറഞ്ഞു. യുഎസ് നടത്തിയ വ്യോമാക്രമണത്തില്‍ കൊല്ലപ്പെട്ട ഇറാൻ മിലിറ്ററി കമാൻഡർ ഖാസിം സുലൈമാനിയുടെ മരണത്തോടെയാണ് പശ്ചിമേഷ്യയിലെ സാഹചര്യങ്ങൾ കലുഷിതമായത്.