ഇസ്ലാമാബാദ്:പാകിസ്ഥാനിൽ ചെക്ക്പോയിന്‍റിലുണ്ടായ ചാവേർ ആക്രമണത്തിൽ പാരാമിലിട്ടറി ട്രൂപ്പിലെ മൂന്ന് ഉദ്യോഗസ്ഥർ കൊല്ലപ്പെട്ടു. 15 പേർക്ക് പരിക്കേറ്റു. ബലൂചിസ്ഥാൻ പ്രവിശ്യയുടെ തലസ്ഥാനമായ ക്വറ്റയിൽ നിന്ന് 25 കിലോമീറ്റർ തെക്ക് ക്വെറ്റ-മാസ്റ്റുംഗ് ചെക്ക്പോസ്റ്റിലാണ് ചാവേർ ആക്രമണമുണ്ടായതെന്ന് മുതിർന്ന പൊലീസ് ഉദ്യോഗസ്ഥൻ അസർ അക്രം പറഞ്ഞു.
ആക്രമണത്തിന് ശേഷം ചെക്ക്പോസ്റ്റിന് സമീപപ്രദേശങ്ങളിൽ നിന്ന് ശരീര അവശിഷ്‌ടങ്ങൾ കാണപ്പെട്ടുവെന്നും അദ്ദേഹം വ്യക്തമാക്കി. പരിക്കേറ്റവരിൽ ചിലരുടെ അവസ്ഥ ഗുരുതരമാണെന്നും മരണസംഖ്യ ഇനിയും ഉയർന്നേക്കുമെന്നുമാണ് റിപ്പോർട്ടുകൾ.