ഭീകരതക്കും മതമൗലികവാദത്തിനുമെതിരെ ഇന്ത്യയുമായി സഹകരിക്കുമെന്ന് സൗദി കിരീടാവകാശി മുഹമ്മദ് ബിന്‍ സല്‍മാന്‍. ഭീകരവാദം പൊതുവായ വിഷയമാണ്.തീവ്രവാദത്തിനെതിരായ എല്ലാത്തരംനീക്കങ്ങളിലും ഇന്ത്യയുമായി സഹകരിക്കും.സൗദി ഇന്ത്യാ ബന്ധം രക്തത്തിൽ അലിഞ്ഞതാണെന്നുംസല്‍മാന്‍ രാജകുമാരന്‍ പറഞ്ഞു. ഭീകരതക്കെതിരെ സൗദിക്കും ഇന്ത്യക്കും ഒരേ നിലപാടാണെന്ന്പ്രധാനമന്ത്രി നരേന്ദ്രമോദി വ്യക്തമാക്കി. ഡൽഹിയില്‍ നടന്നകൂടിക്കാഴ്ച്ചക്ക് ശേഷം സംസാരിക്കുകയായിരുന്നു ഇരുനേതാക്കളും. അതേസമയം,പാകിസ്ഥാനെക്കുറിച്ചും അതിര്‍ത്തി കടന്നുള്ള ഭീകരതയെക്കുറിച്ചും പരാമര്‍ശം നടത്താന്‍സൗദി രാജകുമാരന്‍ തയ്യാറായില്ല.
ഭീകരക്കെതിരെ ഇന്ത്യയുമായി സഹകരിക്കും; മുഹമ്മദ് ബിന്‍ സല്‍മാന്‍
പാകിസ്ഥാനെക്കുറിച്ചും, അതിര്‍ത്തി കടന്നുള്ള ഭീകരതയെക്കുറിച്ചും കൂടിക്കാഴ്ച്ചയിൽപരാമര്‍ശിക്കാൻ സൗദി രാജകുമാരന്‍ തയ്യാറായില്ല. പ്രതിരോധ - വാണിജ്യ മേഖലകളിലുള്‍പ്പെടെ അഞ്ച് സുപ്രധാന കരാറുകളിൽ ഇരു രാജ്യങ്ങളും ഒപ്പുവച്ചു.
ഫയൽചിത്രം
മേഖലയിലെ സമാധാനവും സുസ്ഥിരതയും നിലനിര്‍ത്തുന്നതിന് ഇരുരാജ്യങ്ങള്‍ക്കും ഒരേ നിലപാടാണുള്ളത്. സൗദിയും ഇന്ത്യയും തമ്മില്‍ നാവിക, സൈബര്‍ സുരക്ഷയിലും തീവ്രവാദത്തിനെതിരായ പോരാട്ടത്തിലുമുള്ള സഹകരണം ശക്തിപ്പെടുത്തുന്നത് ഇരുരാജ്യങ്ങള്‍ക്കും ഉപകാരപ്രദമാണെന്നും മോദി പറഞ്ഞു. ഭീകരവാദത്തിന് സഹായം നൽകുന്ന രാജ്യങ്ങളുടെ മേൽ ശക്തമായ സമ്മർദ്ദം ആവശ്യമാണെന്നും, അവരെശിക്ഷിക്കണമെന്നും, പ്രധാനമന്ത്രി കൂട്ടിച്ചേര്‍ത്തു. പ്രതിരോധ - വാണിജ്യ മേഖലകളിലുള്‍പ്പെടെ അഞ്ച് സുപ്രധാന കരാറുകളിലും ഇരു രാജ്യങ്ങളും ഒപ്പുവച്ചു.